Gul uruğçiligi

Gul uruğçiligi - gulçilikning sifatli gul uruği tayyorlaş b-n şuğullanadigan tarmoği. Asosan bir yillik va ikki yillik gullar uruğlarini hamda gullar piyozlarini yetiştiradi. G. u. quyidagi bölimlardan iborat: seleksiya — yangi gul navlari yaratiş, seleksiya st-yalari va seleksiya tajriba muassasalarida ötkaziladi; nav sinaş — yangi navlar Davlat nav sinaş komissiyasi tomonidan nav sinaş uçastkasida sinaladi, söng r-nlaştiriladi; uruğçilik — r-nlaştirilgan yangi navlarni köpaytiriş va ularni yaxşilaş; bu işlar elita va maxsus uruğçilik uçastkalarida amalga oşiriladi; gul uruğlari b-n ta'minlaş — navli uruğlarni yiğib, saqlaş va tegişli xöjaliklarga tarqatiş, bu işlar b-n Özbekistonda, asosan, Özbekiston FA Botanika boği, akad. R. R. Şreder nomidagi Boğdorçilik, uzumçilik va vinoçilik i.t. in-tining gulçilik bölimi xamda şaharlardagi manzarali boğdorçilik va manzarali gulçilik xöjaliklari şuğullanadi; uruğçilik nazorati — gul uruğlarining nav va sifatini ekiş oldidan tekşiriş. Seleksiya st-yalarida yetiştirilgan yangi navlar i.t. muassasalari va uruğni dastlabki köpaytiriş xöjaliklarining elita bölimlarida alohida paykallarda östiriladi. Uruğni tezroq yetiltiriş uçun keç oçiladigan gullar uruği kungay yerlarga ekilib, ilğor agrotexnika usulida parvarişlanadi. Uruğ oliş uçun biologik va xuşmanzarali belgilari talabga mos keladigan gul tuplari tanlanadi.Buning uçun gullar oçilgan paytda aprobatsiya ötkaziladi. Gul uruğlari mumkin qadar tupida yetiltirib, kuzgi yoğingarçilikka qoldirmay yiğib olinadi. Uruğlar gul töplami b-n boğlangan holda bostirma ostida yoki yoruğ bino içida osib quritiladi, yançib tozalangan uruğ saqlaş uçun omborga topşiriladi. Lutfulla Abdurahmonov.