Gulçehra Jamilova
Manba: ÖzME, 3-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 49-b. — ziyouz.com
Jamilova Gulçehra (1946.2.7, Toşkent) — Özbekiston xalq artisti (1992). Özbekiston xoreografiya bilim yurtini (1964), Toşkent davlat teatr va rassomlik san'ati in-tini (1968) tugatgan. Ijodiy faoliyatini «Bahor» davlat xalq raqs ansamblida raqqosalikdan boşlagan. 1966 y.dan hoz. Özbekiston milliy akademik drama teatrining aktrisasi (1987—91 y.lar Abror Hidoyatov nomidagi drama teatrida işlagan). J. ijodining boşlaniş davridayoq Silviya («Veronalik ikki yigit»), Aqiqa («Qonli sarob»), kinoda Kumuş («Ötgan kunlar») rollarini ijro etib, beğubor yoşlikka xos maftunkor çiroy, pokiza orzu va intiliş hissiyotlariyu, muşkul qismatning fojiali tuğyonlarini tabiiy va ta'sirçan vositalar b-n tasvirladi. Teatrdagi eng yaxşi rollari: Feruza («Mirzo Uluğbek»), Gulsanam («Abu Rayhon Beruniy»), Ozoda («Imon»), Şakuntala («Yöqolgan uzuk»), Gulçehra («Körmayin bosdim tikonni»), Kamola («Gang daryosining qizi»), Jamila («Boy ila xizmatçi»), Zebunniso («Zebunniso»), Dezdemona («Otello»), Oysara («Alla»), Nodirabegim («Fiğon»), Bibixonim («Sohibqiron») va b. Aktrisa kinoda ham bir qança rollar ijro etgan: Gulçehra («Qalbingda quyoş»), Giri («Hyp va soyalar»), Manzura («Şiddat»), Gulnora («Ehtiros qurbonlari»), Malkane («Sevgi afsonasi»), Oftoboyim («Ötgan kunlar») kabilar şular jumlasidan. Şuningdek, videofilmlar (Aziza, «Imon»; Xadiça, «Sönggi öq»; Manzura, «Şaytanat»), telefilmlar (Zulayho, «Tölqinlar»; Farida, «Kunda izğirin» va b.)da ham qismati, tabiati, yoşi bir-biriga öxşamagan badiiy obrazlar olamini yaratdi.
Asl matn (kirill, PDF'dagidek)
ЖАМИЛОВА Гулчеҳра (1946.2.7, Тошкент) — Ўзбекистон халқ артисти (1992). Ўзбекистон хореография билим юртини (1964), Тошкент давлат театр ва рассомлик санъати ин-тини (1968) тугатган. Ижодий фаолиятини «Баҳор» давлат халқ рақс ансамблида раққосаликдан бошлаган. 1966 й.дан ҳоз. Ўзбекистoн миллий академик драма театрининг актрисаси (1987—91 й.лар Аброр Ҳидоятов номидаги драма театрида ишлаган). Ж. ижодининг бошланиш давридаёқ Сильвия («Вероналик икки йигит»), Ақиқа («Қонли сароб»), кинода Кумуш («Ўтган кунлар») ролларини ижро этиб, беғубор ёшликка хос мафтункор чирой, покиза орзу ва интилиш ҳиссиётларию, мушкул қисматнинг фожиали туғёнларини табиий ва таъсирчан воситалар б-н тасвирлади. Театрдаги энг яхши роллари: Феруза («Мирзо Улуғбек»), Гулсанам («Абу Райҳон Беруний»), Озода («Имон»), Шакунтала («Йўқолган узук»), Гулчеҳра («Кўрмайин босдим тиконни»), Камола («Ганг дарёсининг қизи»), Жамила («Бой ила хизматчи»), Зебуннисо («Зебуннисо»), Дездемона («Отелло»), Ойсара («Алла»), Нодирабегим («Фиғон»), Бибихоним («Соҳибқирон») ва б. Актриса кинода ҳам бир қанча роллар ижро этган: Гулчеҳра («Қалбингда қуёш»), Гири («Hyp ва соялар»), Манзура («Шиддат»), Гулнора («Эҳтирос қурбонлари»), Малькане («Севги афсонаси»), Офтобойим («Ўтган кунлар») кабилар шулар жумласидан. Шунингдек, видеофильмлар (Азиза, «Имон»; Хадича, «Сўнгги ўқ»; Манзура, «Шайтанат»), телефильмлар (Зулайҳо, «Тўлқинлар»; Фарида, «Кунда изғирин» ва б.)да ҳам қисмати, табиати, ёши бир-бирига ўхшамаган бадиий образлар оламини яратди.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.