Gulnora Nizomovna Mavayeva
Manba: ÖzME, 5-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 2-b. — ziyouz.com
Mavayeva Gulnora Nizomovna (1931. 30.7, Samarqand) — balerina, raqqosa. Özbekiston xalq artisti (1964). Tamaraxonim nomidagi balet maktabida (1939—41), Navoiy teatrining balet studiyasida (1944—48) ta'lim olgan. Moskva xoreografiya bilim yurti qoşidagi özbek balet studiyasini (1951), Leningrad xoreografiya bilim yurtining pedagogika bölimini (1971) tugatgan. 1945—49 va 1951—67 y.lar Navoiy teatrida yetakçi balet solisti. Toşkent xoreografiya bilim yurtida (1971 y.dan; 1975—78 y.lar badiiy rahbar), hamda Toşkent madaniyat in-ti (1974-78), Misr (1979-80), Yaman (1980—81) balet maktablarida, 1982 y.dan Toşkent davlat milliy raqs va xoreografiya oliy maktabida mumtoz raqs öqituvçisi. Mumtoz va jahon baletlarida bir qança partiyalarni ijro etgan: Mariya, Zarema (B. Asafyev, «Boqçasaroy favvorasi»). Esmeralda (Ç. Puni, «Esmeralda»). Siren pariyey, Avrora (P. Çaykovskiy, «Uyqudagi gözal»). Suyumbeka (F. Yarullin, «Şurale»), Mirta (A. Adan, «Jizel»), Xuanita (K. Glyuk, «Don Juan») va b. Özbek baletlaridagi Gulnora (G. Muşel, «Raqqosa»), Oynisa (D. Zokirov, B. Giyenko, «Oynisa»), Lola (Ik. Akbarov, «Orzu») kabi partiyalarida Yevropa mumtoz raqsini an'anaviy özbek raqs harakatlari b-n uyğunlaştirişga intilgan. M. özbek mumtoz, xalq va zamonaviy raqslarning ham mohir ijroçisidir. U köproq lirik raqqosa bölib, raqslari jozibador va nafisligi b-n ajralib turadi. Eng yaxşi raqslari: «Katta öyin», «Pilla», «Farğona ruboiysi», «Orzu», «Bahor», «Şöx qiz», «Ey sarvi ravon», «Öynasin», «Raqqosa», «Zebunniso» va b.
Asl matn (kirill, PDF'dagidek)
МАВАЕВА Гулнора Низомовна (1931. 30.7, Самарқанд) — балерина, раққоса. Ўзбекистон халқ артисти (1964). Тамарахоним номидаги балет мактабида (1939—41), Навоий театрининг балет студиясида (1944—48) таълим олган. Москва хореография билим юрти қошидаги ўзбек балет студиясини (1951), Ленинград хореография билим юртининг педагогика бўлимини (1971) тугатган. 1945—49 ва 1951—67 й.лар Навоий театрида етакчи балет солисти. Тошкент хореография билим юртида (1971 й.дан; 1975—78 й.лар бадиий раҳбар), ҳамда Тошкент маданият ин-ти (1974-78), Миср (1979-80), Яман (1980—81) балет мактабларида, 1982 й.дан Тошкент давлат миллий рақс ва хореография олий мактабида мумтоз рақс ўқитувчиси. Мумтоз ва жаҳон балетларида бир қанча партияларни ижро этган: Мария, Зарема (Б. Асафьев, «Боқчасарой фаввораси»). Эсмеральда (Ч. Пуньи, «Эсмеральда»). Сирен парией, Аврора (П. Чайковский, «Уйқудаги гўзал»). Суюмбека (Ф. Яруллин, «Шурале»), Мирта (А. Адан, «Жизель»), Хуанита (К. Глюк, «Дон Жуан») ва б. Ўзбек балетларидаги Гулнора (Г. Мушель, «Раққоса»), Ойниса (Д. Зокиров, Б. Гиенко, «Ойниса»), Лола (Ик. Акбаров, «Орзу») каби партияларида Европа мумтоз рақсини анъанавий ўзбек рақс ҳаракатлари б-н уйғунлаштиришга интилган. М. ўзбек мумтоз, халқ ва замонавий рақсларнинг ҳам моҳир ижрочисидир. У кўпроқ лирик раққоса бўлиб, рақслари жозибадор ва нафислиги б-н ажралиб туради. Энг яхши рақслари: «Катта ўйин», «Пилла», «Фарғона рубоийси», «Орзу», «Баҳор», «Шўх қиз», «Эй сарви равон», «Ўйнасин», «Раққоса», «Зебуннисо» ва б.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.