«Ğulomiya»
Manba: ÖzME, 11-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 46-b. — ziyouz.com
«Ğulomiya» — Oktyabr töntarişigaça Toşkentda toşbosma usuli bilan mahalliy tilda kitob naşr etilgan bosmaxona. 1889 y. Ğulom Hasan Orifjonov tomonidan dastlab muqovaxona, 1908 y. toşbosmaxona oçilgan. Ğ.H.Orifjonov özi ham özbek klassiklari asarlarini keng yoyiş va xattotlik san'ati an'analarini taraqqiy ettiriş tarafdori bölgan, xattotlik qilgan.
«Ğ.»da bosilib çiqqan dastlabki kitoblardan biri Firdavsiyning «Şohnoma»si bölgan («Şohnomai Firdavsiy»). Söng Navoiy «Devon»i, Fuzuliy «Ğazaliyot»i, Muqimiy «Bayoz»i, şuningdek, «Haftiyak», «Söfi Olloyor», «Çor kitob», «Qur'-on», «Nodir ul-me'roj», «Tashih ul-imomiy» kabi turli mazmundagi kitoblar ham bosilib çiqqan. «Ğ.» naşrlari adadi 2—3 ming nusxa atrofida bölgan. Bu yerda jami yuzdan ortiq kitob va risolalar çop etilgan. «Ğ.» Turkistonda toşbosma kalligrafiyasining rivojlanişida muhim rol öynagan.
Asl matn (kirill, PDF'dagidek)
«ҒУЛОМИЯ» — Октябрь тўнтаришигача Тошкентда тошбосма усули билан маҳаллий тилда китоб нашр этилган босмахона. 1889 й. Ғулом Ҳасан Орифжонов томонидан дастлаб муқовахона, 1908 й. тошбосмахона очилган. Ғ.Ҳ.Орифжонов ўзи ҳам ўзбек классиклари асарларини кенг ёйиш ва хаттотлик санъати анъаналарини тараққий эттириш тарафдори бўлган, хаттотлик қилган.
«Ғ.»да босилиб чиққан дастлабки китоблардан бири Фирдавсийнинг «Шоҳнома»си бўлган («Шоҳномаи Фирдавсий»). Сўнг Навоий «Девон»и, Фузулий «Ғазалиёт»и, Муқимий «Баёз»и, шунингдек, «Ҳафтияк», «Сўфи Оллоёр», «Чор китоб», «Қуръ-он», «Нодир ул-меърож», «Тасҳиҳ ул-имомий» каби турли мазмундаги китоблар ҳам босилиб чиққан. «Ғ.» нашрлари адади 2—3 минг нусха атрофида бўлган. Бу ерда жами юздан ортиқ китоб ва рисолалар чоп этилган. «Ғ.» Туркистонда тошбосма каллиграфиясининг ривожланишида муҳим роль ўйнаган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.