Ğurbat
Manba: ÖzME, 11-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 51-b. — ziyouz.com
Ğurbat (taxallusi; asl nomi Ab-dulla Maxdum Karimberdi öğli) (1850/53 — Farğona viloyati Beşariq tumani — 1918) — şoir. Qöqonda Muhammad Alixon madrasasida öqigan. Özbek va tojik tillarida diniy-tasavvufiy va dunyoviy mavzularda ijod qilgan. Asarlarining katta qismini lirik ğazallar taşkil etadi. Ularda dunyo norasoligidan nola-faryod qilgan, ilohiy va insoniy muhabbatni, yaxşi xulqlarni, ilm-ma'rifatni uluğlagan, yaramas fe'l-atvorli kişilarni hajv qilgan («Ohkim şod ayla-mas...», «Qölimda pora yöq...», «Gulo, ovorai har du jahon qilding...» va b.). Uning Qöqon-Namangan-Andijon sayohatlari haqidagi xotiralari maşhur. Ğ. şe'rlaridan devon (10 ming misraga yaqin) tuzgan. Unga 442 ğazal, 25 muxammas, 12 ruboiy, 7 murabba', 3 marsiya, 1 ta'rix va 2 çorbayt kirgan. «Devoni Ğurbat» qölyozmasi Özbekiston FA Şarqşunoslik in-ti qölyozmalar fondida saqlanadi (inv. №10067).
Ad.: Rahmatova D., Muqimiy izdoşlari(Ğurbatva Rojiy), T., 1978; Qayyumov P.. Tazkirai Qayyumiy, T., 1998.
Asl matn (kirill, PDF'dagidek)
ҒУРБАТ (тахаллуси; асл номи Аб-дулла Махдум Каримберди ўғли) (1850/53 — Фарғона вилояти Бешариқ тумани — 1918) — шоир. Қўқонда Муҳаммад Алихон мадрасасида ўқиган. Ўзбек ва тожик тилларида диний-тасаввуфий ва дунёвий мавзуларда ижод қилган. Асарларининг катта қисмини лирик ғазаллар ташкил этади. Уларда дунё норасолигидан нола-фарёд қилган, илоҳий ва инсоний муҳаббатни, яхши хулқларни, илм-маърифатни улуғлаган, ярамас феъл-атворли кишиларни ҳажв қилган («Оҳким шод айла-мас...», «Қўлимда пора йўқ...», «Гуло, овораи ҳар ду жаҳон қилдинг...» ва б.). Унинг Қўқон-Наманган-Андижон саёҳатлари ҳақидаги хотиралари машҳур. Ғ. шеърларидан девон (10 минг мисрага яқин) тузган. Унга 442 ғазал, 25 мухаммас, 12 рубоий, 7 мураббаъ, 3 марсия, 1 таърих ва 2 чорбайт кирган. «Девони Ғурбат» қўлёзмаси Ўзбекистон ФА Шарқшунослик ин-ти қўлёзмалар фондида сақланади (инв. №10067).
Ад.: Раҳматова Д., Муқимий издошлари(Ғурбатва Рожий), Т., 1978; Қайюмов П.. Тазкираи Қайюмий, Т., 1998.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.