Gurduş qabristoni
Manba: ÖzME, 3-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 508–509-b. — ziyouz.com
Gurduş qabristoni GURDUŞ (GÖJAYLI) QABRISTONI — quyi Zarafşonning qad. özanida joylaşgan, jez davriga oid kabriston. 1953 y.da Ya.Ğ.Ğulomov tomonidan örganilgan. G. q.da 5 ta yorma qabr tekşirilgan. Mayyitlar bukçaygan holda bir yoni b-n dafn etilgan. Çirib, kukunga aylangan skeletlarning bilaklari, oyoq va umurtğa suyaklari örnida qimmatbaho toşlar va jezdan yasalgan qöşaloq bilaguzuklar, turli xil munçoqlar, quloq yaqinida esa isirğalar bor. Har bir qabrda sirti naqşlangan 1—2 ta tuvaksimon sopol idiş yoki ularning parçalari uçraydi. G. q.ga öxşaş yodgorliklar qad. Xorazm, Farğona vodiysi, Toşkent va Samarqand viloyatlarida ham topilgan. Bular mil. av. 2-ming yillikning 2-yarmida Örta Osiyo çöl va daştlarida istiqomat qilgan ötroq çorvador qabilalarning moddiy madaniyat tarixini örganiş uçun qimmatli manbadir. Ad.: Gulyamov Ya. G., Arxeologiçeskiye raboti k zapadu ot Buxarskogo oazisa, Trudi In-ta istorii arxeologii AN UzSSR, vip. 8, T., 1956; Gulyamov Ya. G., Islamov U., Askarov A., Pervobitnaya kultura i vozniknoveniye oroşayemogo zemledeliya v nizovyax Zarafşana, T., 1966.
Asl matn (kirill, PDF'dagidek)
ГУРДУШ (ГЎЖАЙЛИ) ҚАБРИСТОНИ — қуйи Зарафшоннинг қад. ўзанида жойлашган, жез даврига оид кабристон. 1953 й.да Я.Ғ.Ғуломов томонидан ўрганилган. Г. қ.да 5 та ёрма қабр текширилган. Маййитлар букчайган ҳолда бир ёни б-н дафн этилган. Чириб, кукунга айланган скелетларнинг билаклари, оёқ ва умуртға суяклари ўрнида қимматбаҳо тошлар ва жездан ясалган қўшалоқ билагузуклар, турли хил мунчоқлар, қулоқ яқинида эса исирғалар бор. Ҳар бир қабрда сирти нақшланган 1—2 та туваксимон сопол идиш ёки уларнинг парчалари учрайди. Г. қ.га ўхшаш ёдгорликлар қад. Хоразм, Фарғона водийси, Тошкент ва Самарқанд вилоятларида ҳам топилган. Булар мил. ав. 2-минг йилликнинг 2-ярмида Ўрта Осиё чўл ва даштларида истиқомат қилган ўтроқ чорвадор қабилаларнинг моддий маданият тарихини ўрганиш учун қимматли манбадир. Ад.: Гулямов Я. Г., Археологические работы к западу от Бухарского оазиса, Труды Ин-та истории археологии АН УзССР, вып. 8, Т., 1956; Гулямов Я. Г., Исламов У., Аскаров А., Первобытная культура и возникновение орошаемого земледелия в низовьях Зарафшана, Т., 1966.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.