GUUAM
Manba: ÖzME, 3-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 514-b. — ziyouz.com
GUUAM — mintaqaviy taşkilot (atama taşkilotga a'zo bölgan davlatlar rusça nomlari boş harflarini bildiradi). Unga 1996 y.da Vena ş. (Avstriyaka Gruziya, Ukraina, Ozarbayjon va Moldova davlat rahbarlari tomonidan asos solingan. 1999 y. apr.dataşkilotga Özbekistan ham qöşildi. Tuzilmaning asosiy maqsadi Osiyo-Kavkaz-Yevropa yölagini işga soliş, iqtisodiy hamkorlikni kengaytirişdir. Özbekistan uşbu tuzilma tarkibiga kirişi tufayli Turkmanboşi (Turkmaniston) portidan Kaspiy dengizi orqali Bokuga, undan t.y. vositasida Gruziya ğarbiy portlariga çiqiş va nihoyat, Qora dengiz orqali Bolgariya, Ruminiya, Turkiya, Gretsiya hamda Yevropaning boşqa mamlakatlari b-n savdo qiliş, mahsulotlarni kam çiqim b-n xorijiy şeriklarga yetkazib beriş imkoniyatidan foydalanadi. GUUAM heç qanday siyosiy yoxud harbiy-siyosiy maqsadlarni közda tutmaydi va heç bir davlatga yoki xalqaro taşkilotga qarşi qaratilgan emas. Taşkilotga a'zo davlatlar rahbarlarining Yalta (2001 y. iyun) uçraşuvida GUUAM xartiyasi qabul qilindi. GUUAM doirasida yagona axborot makonini, erkin savdo zonasini vujudga keltiriş masalalari, transport kommunikatsiyasi, savdo-iqtisodiy aloqalar b-n bir qatorda ilm-fan, texnologiya va ijtimoiy sohadagi hamkorlikni rivojlantiriş masalalari töğrisida kelişib olingan.
Asl matn (kirill, PDF'dagidek)
ГУУАМ — минтақавий ташкилот (атама ташкилотга аъзо бўлган давлатлар русча номлари бош ҳарфларини билдиради). Унга 1996 й.да Вена ш. (Австрияка Грузия, Украина, Озарбайжон ва Молдова давлат раҳбарлари томонидан асос солинган. 1999 й. апр.даташкилотга Ўзбекистан ҳам қўшилди. Тузилманинг асосий мақсади Осиё-Кавказ-Европа йўлагини ишга солиш, иқтисодий ҳамкорликни кенгайтиришдир. Ўзбекистан ушбу тузилма таркибига кириши туфайли Туркманбоши (Туркманистон) портидан Каспий денгизи орқали Бокуга, ундан т.й. воситасида Грузия ғарбий портларига чиқиш ва ниҳоят, Қора денгиз орқали Болгария, Руминия, Туркия, Греция ҳамда Европанинг бошқа мамлакатлари б-н савдо қилиш, маҳсулотларни кам чиқим б-н хорижий шерикларга етказиб бериш имкониятидан фойдаланади. ГУУАМ ҳеч қандай сиёсий ёхуд ҳарбий-сиёсий мақсадларни кўзда тутмайди ва ҳеч бир давлатга ёки халқаро ташкилотга қарши қаратилган эмас. Ташкилотга аъзо давлатлар раҳбарларининг Ялта (2001 й. июнь) учрашувида ГУУАМ хартияси қабул қилинди. ГУУАМ доирасида ягона ахборот маконини, эркин савдо зонасини вужудга келтириш масалалари, транспорт коммуникацияси, савдо-иқтисодий алоқалар б-н бир қаторда илм-фан, технология ва ижтимоий соҳадаги ҳамкорликни ривожлантириш масалалари тўғрисида келишиб олинган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.