Halima Olimovna Komilova
Manba: ÖzME, 4-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 522–523-b. — ziyouz.com
Komilova Halima Olimovna (1926.24.12, Marğilon — 1984.29.3, Toşkent) — balet artisti, raqqosa. Özbekiston xalq artisti (1967). Usta Olim Komilovning qizi. Özbek opera va balet teatri (Navoiy teatri) qoşidagi balet studiyasini (1948), Katta teatr (Moskva) qoşidagi xoreografiya bilim yurtini (1951) tugatgan. 1942 y.dan Navoiy teatrida işlagan. 1982— 84 y.lar Toşkent xoreografiya bilim yurtida pedagog. U yaratgan obrazlar özining badiiy yuksaqligi, kuçli drama-tizmi, turli xarakterdagi qahramonlari fe'l-atvorini, içki dunyosini nafis harakatlarda ustalik b-n oçib beriş, milliy mumtoz raqslarni alohida mahorat b-n ijro etişi b-n aj-ralib turadi. Eng yaxşi partiyalari: Zarema (B.Asafyev, «Zarema»), Bal malikasi (R.Glier, «Mis çavandoz»), Lola (G.Muşel, «Raqqosa»), Siren pariyey, Odilliya (P. Çaykovskiy, «Uyqudagi gözal», «Oqquş köli»), Oynisa (B. Giyenko, D. Zokirov, «Oynisa»), Kitri, Köça raqqosasi (L.Minkus, «Don Kixot»), Karmen (M.Ravel, «Bolero») va b. K, ayniqsa, özbek, tojik va b. şarq xalqlari raqslaridagi lirik jöşqinlik, şöx, ayni paytda nafis ravon ijrosi, harakatlaridagi çaqqonlik b-n tomoşabinlar e'tiborini qozongan: «Zang», «Larzon», «Ey nigorim», «Rohat», «Toğli Badaxşon», «Munojot», «Pilla raqsi», «Şodiyona», «Tanavor», «Hindça», «Arabça», «Ispança» raqslar şular jumlasidan. Jahon yoşlari va studentlarining 3-festivali (Berlin, 1951) laureati.
Asl matn (kirill, PDF'dagidek)
КОМИЛОВА Ҳалима Олимовна (1926.24.12, Марғилон — 1984.29.3, Тошкент) — балет артисти, раққоса. Ўзбекистон халқ артисти (1967). Уста Олим Комиловнинг қизи. Ўзбек опера ва балет театри (Навоий театри) қошидаги балет студиясини (1948), Катта театр (Москва) қошидаги хореография билим юртини (1951) тугатган. 1942 й.дан Навоий театрида ишлаган. 1982— 84 й.лар Тошкент хореография билим юртида педагог. У яратган образлар ўзининг бадиий юксақлиги, кучли драма-тизми, турли характердаги қаҳрамонлари феъл-атворини, ички дунёсини нафис ҳаракатларда усталик б-н очиб бериш, миллий мумтоз рақсларни алоҳида маҳорат б-н ижро этиши б-н аж-ралиб туради. Энг яхши партиялари: Зарема (Б.Асафьев, «Зарема»), Бал маликаси (Р.Глиэр, «Мис чавандоз»), Лола (Г.Мушель, «Раққоса»), Сирень парией, Одиллия (П. Чайковский, «Уйқудаги гўзал», «Оққуш кўли»), Ойниса (Б. Гиенко, Д. Зокиров, «Ойниса»), Китри, Кўча раққосаси (Л.Минкус, «Дон Кихот»), Кармен (М.Равель, «Болеро») ва б. К, айниқса, ўзбек, тожик ва б. шарқ халқлари рақсларидаги лирик жўшқинлик, шўх, айни пайтда нафис равон ижроси, ҳаракатларидаги чаққонлик б-н томошабинлар эътиборини қозонган: «Занг», «Ларзон», «Эй нигорим», «Роҳат», «Тоғли Бадахшон», «Муножот», «Пилла рақси», «Шодиёна», «Танавор», «Ҳиндча», «Арабча», «Испанча» рақслар шулар жумласидан. Жаҳон ёшлари ва студентларининг 3-фестивали (Берлин, 1951) лауреати.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.