Halima Xudoyberdiyeva
Manba: ÖzME, 9-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 265-b. — ziyouz.com
Xudoyberdiyeva Halima (1947.17.5, Boyovut tumani) — Özbekiston xalq şoirasi (1992). Toşkent universitetining jurnalistika f-tini tugatgan (1972). «Saodat» jur.da adabiy xodim, bölim mudiri, (1972-75), boş muharrir örinbosari va boş muharrir (1982-94), Yoşlar naşriyotida bölim mudiri (1978- 82). Özbekiston xotin-qizlar qömitasi raisi (1990—94), «Yozuvçi» naşriyotida yetakçi muharrir (1996—98), «Sanam» jur. da boş muharrir örinbosari (1998—2003). 2004 y.dan «XXI asr» gazda bölim muharriri.
X.ning ilk şe'rlari öquvçilik yillarida Yangiyer tuman gaz.da bosilgan (1964). Şundan keyin uning «Ilk muhabbat» (1968), «Oq olmalar» (1973), «Çaman» (1974), «Suyanç toğlarim» (1976), «Bobo quyoş» (1977), «Issiqqor» (1979), «Sadoqat» (1983), «Muqaddas ayol» (1987), «Bu kunlarga yetganlar bor», «Hurlik öti» (1993), «Tömarisning aytgani» (1996) «Yöldadirman» (2005) va b. şe'riy kitoblari naşr etilgan. X. özbek şe'riyatiga samimiy insoniy tuyğu va fazilatlar — sevgi va sadoqat, mexr va muruvvatni tarannum etuvçi şoira, özbek xotinqizlari orzu va armonlarining kuyçisi sifatida kirib keldi. U dastlabki şe'riy töplamlaridan boşlab öz ijodida ayol va ona obrazlarining sexrli qirralarini oçişga, ularning nafaqat jamiyatning tölaqonli va faol a'zolari, balki şu jamiyatning kurki va bezagi ekanligini uqtirişga intildi. Uning tasviridagi ayol har qanday xalq va mamlakatning kelajagi — soğlom va barkamol yoşlarni yetkazib beruvçi mö'jizaviy kuçdir. X. ayni şu nuqtai nazardan özbek ayollarining öyxayollarini, içki keçinmalarini yorqin tasvirlaydi, zamondoşlarida ayollarga nisbatan xurmat va muhabbat tuyğularini östirişga intiladi.
X.ning şe'rlari köplab xorijiy tillarga tarjima qilingan. Töfon Minnullinning «Alla» pyesasi X. ning avtorlaştirilgan tarjimasida hoz. Özbek milliy akademik drama teatri sahnasida qöyilgan.
1-çaqiriq Özbekiston Respublikasi Oliy Majlisi deputata. Hamza nomidagi Özbekiston Davlat mukofoti laureati (1990).
As: Saylanma [şe'rlar], T., 2000.
Ad.: Rahimjonov N., Hamidova M ., Halima Xudoyberdiyeva lirikasi, T., 2004.
Asl matn (kirill, PDF'dagidek)
ХУДОЙБЕРДИЕВА Ҳалима (1947.17.5, Боёвут тумани) — Ўзбекистон халқ шоираси (1992). Тошкент университетининг журналистика ф-тини тугатган (1972). «Саодат» жур.да адабий ходим, бўлим мудири, (1972-75), бош муҳаррир ўринбосари ва бош муҳаррир (1982-94), Ёшлар нашриётида бўлим мудири (1978- 82). Ўзбекистон хотин-қизлар қўмитаси раиси (1990—94), «Ёзувчи» нашриётида етакчи муҳаррир (1996—98), «Санам» жур. да бош муҳаррир ўринбосари (1998—2003). 2004 й.дан «XXI аср» газда бўлим муҳаррири.
Х.нинг илк шеърлари ўқувчилик йилларида Янгиер туман газ.да босилган (1964). Шундан кейин унинг «Илк муҳаббат» (1968), «Оқ олмалар» (1973), «Чаман» (1974), «Суянч тоғларим» (1976), «Бобо қуёш» (1977), «Иссиққор» (1979), «Садоқат» (1983), «Муқаддас аёл» (1987), «Бу кунларга етганлар бор», «Ҳурлик ўти» (1993), «Тўмариснинг айтгани» (1996) «Йўлдадирман» (2005) ва б. шеърий китоблари нашр этилган. X. ўзбек шеъриятига самимий инсоний туйғу ва фазилатлар — севги ва садоқат, мехр ва мурувватни тараннум этувчи шоира, ўзбек хотинқизлари орзу ва армонларининг куйчиси сифатида кириб келди. У дастлабки шеърий тўпламларидан бошлаб ўз ижодида аёл ва она образларининг сехрли қирраларини очишга, уларнинг нафақат жамиятнинг тўлақонли ва фаол аъзолари, балки шу жамиятнинг курки ва безаги эканлигини уқтиришга интилди. Унинг тасвиридаги аёл ҳар қандай халқ ва мамлакатнинг келажаги — соғлом ва баркамол ёшларни етказиб берувчи мўъжизавий кучдир. X. айни шу нуқтаи назардан ўзбек аёлларининг ўйхаёлларини, ички кечинмаларини ёрқин тасвирлайди, замондошларида аёлларга нисбатан хурмат ва муҳаббат туйғуларини ўстиришга интилади.
Х.нинг шеърлари кўплаб хорижий тилларга таржима қилинган. Тўфон Миннуллиннинг «Алла» пьесаси X. нинг авторлаштирилган таржимасида ҳоз. Ўзбек миллий академик драма театри саҳнасида қўйилган.
1-чақириқ Ўзбекистон Республикаси Олий Мажлиси депутата. Ҳамза номидаги Ўзбекистон Давлат мукофоти лауреати (1990).
Ас: Сайланма [шеърлар], Т., 2000.
Ад.: Раҳимжонов Н., Ҳамидова М ., Ҳалима Худойбердиева лирикаси, Т., 2004.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.