Harbiy intizom
Manba: ÖzME, 11-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 91–92-b. — ziyouz.com
Harbiy intizom — barça harbiy xizmatçilarning qonun. harbiy nizomlar, komandirlar (boşliqlar) buyruqlari bilan belgilangan tartib va qoidalarga qat'iy va aniq rioya etişi. Özbekiston Respublikasi Qurolli Kuçlarida H.i. har bir harbiy xizmatçining Özbekiston Respublikasini himoya qilişga bölgan harbiy burçi va şaxsiy mas'uliyati, öz xalqiga misl-siz sadoqatini his qilişga asoslanadi. H.i. harbiy xizmatçidan harbiy qasamyodga sodiq bölişni, Özbekiston Respublikasi qonunlari va Konstitutsiyasiga qat'iyan böysunişni; öz harbiy burçini mohirlik va jasorat bilan bajarişni; harbiy işni sidqidildan örganişni; harbiy va daatat mul-kini asraşni; harbiy xizmat qiyinçiliklarini mardonavor yengişni, harbiy burçni bajariş uçun öz jonini ham ayamaslikni; sergak bölişni, harbiy va davlat sirlarini qatiy saqlaşni; harbiy xizmatçilar örtasidagi harbiy nizomlarda körsatib berilgan özaro munosabatlarni qöllab-quvvatlaşni, jangovar birodarlikni mustahkamlaşni; komandirlarga (boşliqlarga) va bir-biriga hur.mat körsatiş, harbiy salom-alik va xuşfe'llik qoidalariga rioya qilişni; jamoat joylarida özini munosib tutişni, nomunosib xatti-harakatlardan özini va b.ni tiyib qolişni va fuqarolarning or va nomusini himoya qilişni talab etadi.
H.i. har bir harbiy xizmatçining xizmat vazifalariga ongli ravişda munosabati, yuksak huquqiy madaniyati asosida şakllanadi. H.i.ning umumiy va aniq qonun-qoidalari 1996 y. 9 okt.da Özbekiston Respublikasi Prezidenti, Qurolli Kuçlar Oliy Boş Qömondoni tomonidan tasdiqlangan «Özbekiston Respublikasi qurolli Kuçlarining intizom Nizomi» asosida belgilab berilgan. Intizom Nizomi talablarining bajarilişini nazorat qiliş komandir (boşliqlar) zimmasiga yuklatilgan.
Asl matn (kirill, PDF'dagidek)
ҲАРБИЙ ИНТИЗОМ — барча ҳарбий хизматчиларнинг қонун. ҳарбий низомлар, командирлар (бошлиқлар) буйруқлари билан белгиланган тартиб ва қоидаларга қатъий ва аниқ риоя этиши. Ўзбекистон Республикаси Қуролли Кучларида Ҳ.и. ҳар бир ҳарбий хизматчининг Ўзбекистон Республикасини ҳимоя қилишга бўлган ҳарбий бурчи ва шахсий масъулияти, ўз халқига мисл-сиз садоқатини ҳис қилишга асосланади. Ҳ.и. ҳарбий хизматчидан ҳарбий қасамёдга содиқ бўлишни, Ўзбекистон Республикаси қонунлари ва Конституциясига қатъиян бўйсунишни; ўз ҳарбий бурчини моҳирлик ва жасорат билан бажаришни; ҳарбий ишни сидқидилдан ўрганишни; ҳарбий ва даатат мул-кини асрашни; ҳарбий хизмат қийинчиликларини мардонавор енгишни, ҳарбий бурчни бажариш учун ўз жонини ҳам аямасликни; сергак бўлишни, ҳарбий ва давлат сирларини қатьий сақлашни; ҳарбий хизматчилар ўртасидаги ҳарбий низомларда кўрсатиб берилган ўзаро муносабатларни қўллаб-қувватлашни, жанговар биродарликни мустаҳкамлашни; командирларга (бошлиқларга) ва бир-бирига ҳур.мат кўрсатиш, ҳарбий салом-алик ва хушфеъллик қоидаларига риоя қилишни; жамоат жойларида ўзини муносиб тутишни, номуносиб хатти-ҳаракатлардан ўзини ва б.ни тийиб қолишни ва фуқароларнинг ор ва номусини ҳимоя қилишни талаб этади.
Ҳ.и. ҳар бир ҳарбий хизматчининг хизмат вазифаларига онгли равишда муносабати, юксак ҳуқуқий маданияти асосида шаклланади. Ҳ.и.нинг умумий ва аниқ қонун-қоидалари 1996 й. 9 окт.да Ўзбекистон Республикаси Президенти, Қуролли Кучлар Олий Бош Қўмондони томонидан тасдиқланган «Ўзбекистон Республикаси қуролли Кучларининг интизом Низоми» асосида белгилаб берилган. Интизом Низоми талабларининг бажарилишини назорат қилиш командир (бошлиқлар) зиммасига юклатилган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.