Hazrati Xizr masjidi
Manba: ÖzME, 11-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 33–34-b. — ziyouz.com
Hazrati Xizr masjidi — Samarqanddagi me'moriy yodgorlik (19-a. örtalari); afsonaviy ölmas şaxs Hazrati Xizr nomi bilan boğliq. Bino Şohizinda J majmuasi qarşisidagi tepalikda joylaşgan qad. masjid poydevori ustiga qurilgan (mehrobdagi yozuvga köra 1855 y.). Masjid xonaqoh, uning 2 yonida hujralar, qöşimça xonalar, omborxona, minoradan iborat; keyinçalik binoga qöşimça ayvon (1899), darvozaxona (1919) qurilgan. Boş tarzidagi' tik zinapoyadan darvozaxonaga çiqiladi, undan unça katta bölmagan xonaga kiriladi. Darvoza peştoq-gumbazli, peştoqning 2 burçagiga qubbasi qovurğali guldasta-minoralar işlangan; peştoqning çap tomonida ravoqli, öymakori bezatilgan 5 ta yoğoç ustunli peşayvon jozibador naqşlar bilan serhaşam bezatilgan, qirma usulidagi ganç bezaklar mahorat bilan işlangan. Peşayvondan baland gumbaz bilan yopilgan xonaqohga utiladi. Taşqarisi piltavor gumbaz 8 qirrali poygumbazga örnatilgan, oraliği muqarnaslar bilan ziynatlangan. Peştoq hamda qafasali minora koşinkori bezatilgan, peştoq poy-gumbaziga ravoqli darçalar işlangan. Bino 20-a. 90-y.larida qayta ta'mirlandi.
Asl matn (kirill, PDF'dagidek)
ҲАЗРАТИ ХИЗР МАСЖИДИ — Самарқанддаги меъморий ёдгорлик (19-а. ўрталари); афсонавий ўлмас шахс Ҳазрати Хизр номи билан боғлиқ. Бино Шоҳизинда Ж мажмуаси қаршисидаги тепаликда жойлашган қад. масжид пойдевори устига қурилган (меҳробдаги ёзувга кўра 1855 й.). Масжид хонақоҳ, унинг 2 ёнида ҳужралар, қўшимча хоналар, омборхона, минорадан иборат; кейинчалик бинога қўшимча айвон (1899), дарвозахона (1919) қурилган. Бош тарзидаги’ тик зинапоядан дарвозахонага чиқилади, ундан унча катта бўлмаган хонага кирилади. Дарвоза пештоқ-гумбазли, пештоқнинг 2 бурчагига қуббаси қовурғали гулдаста-миноралар ишланган; пештоқнинг чап томонида равоқли, ўймакори безатилган 5 та ёғоч устунли пешайвон жозибадор нақшлар билан серҳашам безатилган, қирма усулидаги ганч безаклар маҳорат билан ишланган. Пешайвондан баланд гумбаз билан ёпилган хонақоҳга утилади. Ташқариси пилтавор гумбаз 8 қиррали пойгумбазга ўрнатилган, оралиғи муқарнаслар билан зийнатланган. Пештоқ ҳамда қафасали минора кошинкори безатилган, пештоқ пой-гумбазига равоқли дарчалар ишланган. Бино 20-а. 90-й.ларида қайта таъмирланди.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.