Hoji Barlos
Manba: ÖzME, 11-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 185-b. — ziyouz.com
Hoji Barlos (? - 1361) - Sohibqiron Amir Temurnint amakisi. movarounnahrning nufuzli va yirik bek(amir)laridan. Amir Qazağonning öğli amir Abdulloh öz qarorgohini Samarqandga köçirmoqçi bölganda norozi beklar tomonidan öldirilgaç, amir Bayon Sulduz va amir H. B. mamlakatni öz qöllariga olib, idora etiş va xalq osoyiştaligini ta'minlaşga harakat qiladilar. Keş ş. ilgaridan Sohibqiron va amir H.B. ajdodlari tasarrufida bölgan. H.B. nufuzi baland bek bölişiga qaramay nisbatan jur'atsiz va qörqoq şaxs edi. 1360 y. u Jete sipohining bostirib kelişidan qörquvga tuşadi va qadim yurtini e'tiborsiz qoldirib, Xuro-son tomon yuzlanadi. Xurosondan qaytgan H.B. amir Boyazid bilan ittifoq tuzib Amir Temurga qarşi Oqyor mavzesida jangga kiradi va mağlubiyatga uçrab, Samarqandga qoçadi. Ma'lum muddatdan söng H.B. Sohibqiron bilan yaraşadi va ular amir Xizr ustiga yuriş qilib, ğalaba qozonişadi. 1361 y. Jete hukmdori Tuğluq Temurxon ikkinçi bor Movarounnahrga çerik tortib kelganda H.B. vahima va qörquvga tuşib Keş tomonga, u yerdan Jayhunni keçib ötişga jazm qiladi. Sabzavor viloyatining Jöyan tumanidagi Xöroşa qişloğiga yetgan çoğida şu joyning bir töda isyonkorlari uni birodari Idiku bilan tutib olib, qatl etadilar.
Ad.: Nizomiddin Şomiy, Zafarnoma, T., 1996; Şarafuddin Ali Yaz-diy, Zafarnoma, T., 1997.
Asl matn (kirill, PDF'dagidek)
ҲОЖИ БАРЛОС (? - 1361) - Соҳибқирон Амир Темурнинт амакиси. мовароуннаҳрнинг нуфузли ва йирик бек(амир)ларидан. Амир Қазағоннинг ўғли амир Абдуллоҳ ўз қароргоҳини Самарқандга кўчирмоқчи бўлганда норози беклар томонидан ўлдирилгач, амир Баён Сулдуз ва амир Ҳ. Б. мамлакатни ўз қўлларига олиб, идора этиш ва халқ осойишталигини таъминлашга ҳаракат қиладилар. Кеш ш. илгаридан Соҳибқирон ва амир Ҳ.Б. аждодлари тасарруфида бўлган. Ҳ.Б. нуфузи баланд бек бўлишига қарамай нисбатан журъатсиз ва қўрқоқ шахс эди. 1360 й. у Жете сипоҳининг бостириб келишидан қўрқувга тушади ва қадим юртини эътиборсиз қолдириб, Хуро-сон томон юзланади. Хуросондан қайтган Ҳ.Б. амир Боязид билан иттифоқ тузиб Амир Темурга қарши Оқёр мавзесида жангга киради ва мағлубиятга учраб, Самарқандга қочади. Маълум муддатдан сўнг Ҳ.Б. Соҳибқирон билан ярашади ва улар амир Хизр устига юриш қилиб, ғалаба қозонишади. 1361 й. Жете ҳукмдори Туғлуқ Темурхон иккинчи бор Мовароуннаҳрга черик тортиб келганда Ҳ.Б. ваҳима ва қўрқувга тушиб Кеш томонга, у ердан Жайҳунни кечиб ўтишга жазм қилади. Сабзавор вилоятининг Жўян туманидаги Хўроша қишлоғига етган чоғида шу жойнинг бир тўда исёнкорлари уни биродари Идику билан тутиб олиб, қатл этадилар.
Ад.: Низомиддин Шомий, Зафарнома, Т., 1996; Шарафуддин Али Яз-дий, Зафарнома, Т., 1997.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.