Hoji tam-tam
Manba: ÖzME, 11-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 186–187-b. — ziyouz.com
Hoji tam-tam (aslida Homidov Hoji Qurbon, 1888 — Samarqand — 1964.24.1) — xalq qiziqçisi, Eski maktabda savod çiqargan. Yoşligidan xalq sayillarida hofizlar, maşşoqlar, nazm ahli orasida bölib, aşula yöllarini, muqallid qilişni örganadi. Maşhur xonanda Hojiabdulaziz Abdurasulov bilan hamkorlik qilgan. H.t-t askiya turi — şirinkorlikning, şuningdek, doira çaliş, çöp va qayroq bilan ijro etiladigan öyinlarning ustasi bölgan. Odatda u qöşiq aytganda, öziga özi soz bilan emas, balki «tam-tam» deb rubobning jarangiga qilinadigan taqtidiy ohangi bilan jör bölgan. Şu bois xalq uni H.t-t. deb ketgan. 1937 y. Moskvada ötgan özbek san'ati dekadasida, Kattaqörgon suv ombori va Katta Farğona kanali qurilişlarida qatnaşgan. Samarqanddagi Yoş tomoşabinlar teatri (1942—43), Musiqali drama va komediya teatrida (1943—47) işlagan. Uning repertua-rida özbek, tojik, ozarbayjon, uyğur, rus xalq qöşiqlari, lapar va latifalari, muqallidlari katta örin tutgan. H.t-t. aytgan «Karima köylak kiyadi», «Kolxozga kirdim», «Yalli-yalli», «Bor-bora bormayman», «Omon-omon», «Biyo yak», «Meravam», «Uka, çilim çekmang», «Yexal iz yar-marki uxar» kabi qöşiqlar ommalaşgan. Şuningdek, u Hojiabdula-ziz, Levi Boboxonov, Domla Halim Ibodov va b.ga taqlid-parodiya ham qilgan. Doni Zokirov, Nabijon Hasanov, Şarif Akromov kabi bastakorlar undan qöşiqlar örganişgan.
Asl matn (kirill, PDF'dagidek)
ҲОЖИ ТАМ-ТАМ (аслида Ҳомидов Ҳожи Қурбон, 1888 — Самарқанд — 1964.24.1) — халқ қизиқчиси, Эски мактабда савод чиқарган. Ёшлигидан халқ сайилларида ҳофизлар, машшоқлар, назм аҳли орасида бўлиб, ашула йўлларини, муқаллид қилишни ўрганади. Машҳур хонанда Ҳожиабдулазиз Абдурасулов билан ҳамкорлик қилган. Ҳ.т-т аския тури — ширинкорликнинг, шунингдек, доира чалиш, чўп ва қайроқ билан ижро этиладиган ўйинларнинг устаси бўлган. Одатда у қўшиқ айтганда, ўзига ўзи соз билан эмас, балки «там-там» деб рубобнинг жарангига қилинадиган тақтидий оҳанги билан жўр бўлган. Шу боис халқ уни Ҳ.т-т. деб кетган. 1937 й. Москвада ўтган ўзбек санъати декадасида, Каттақўргон сув омбори ва Катта Фарғона канали қурилишларида қатнашган. Самарқанддаги Ёш томошабинлар театри (1942—43), Мусиқали драма ва комедия театрида (1943—47) ишлаган. Унинг репертуа-рида ўзбек, тожик, озарбайжон, уйғур, рус халқ қўшиқлари, лапар ва латифалари, муқаллидлари катта ўрин тутган. Ҳ.т-т. айтган «Карима кўйлак кияди», «Колхозга кирдим», «Ялли-ялли», «Бор-бора бормайман», «Омон-омон», «Биё як», «Меравам», «Ука, чилим чекманг», «Ехал из яр-марки ухарь» каби қўшиқлар оммалашган. Шунингдек, у Ҳожиабдула-зиз, Леви Бобохонов, Домла Ҳалим Ибодов ва б.га тақлид-пародия ҳам қилган. Дони Зокиров, Набижон Ҳасанов, Шариф Акромов каби бастакорлар ундан қўшиқлар ўрганишган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.