«Hurriyat»
Manba: ÖzME, 11-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 233-b. — ziyouz.com
«Hurriyat» - 1917 y. 16 apr.dan Samarqand jadidlari tomonidan naşr qilina boşlagan gazeta. Gaz. adabiy, iqtisodiy-siyosiy yönalişda bölib, haftada 2 marta çiqib turgan. «H.»ga Akobir Şomansurov, Mardonqul Şomuhammedov, Abdura-uf Fitrat, Hoji Muin Şukrullo muharrirlik qilişgan. Samarqand jadidlari tomonidan taşkil etilgan «Zarafşon» şirkati kutubxonasining asosiy sarmoyasi şu gaz.ga sarf qilingan. «H.» 1917— 18-y. larda Turkiston ölkasidagi, jumladan Toşkent, Samarqand va b. şaharlardagi siyosiy jarayonlarni yoritişda asosiy manbalardan biri hisoblangan. «H.»da Mahmudxöja Behbudiy («Buxoro voqealari», «Ittifoq kerak» va b.), Abdurauf Fitrat («Yurt qayğusi», «Musulmonlar ğaflatda qolmang» va b.), Hoji Muin («Şöroi Islomiya va saylov», «Yordam kerak»), Saidrizo Alizoda, Saidahmad Siddiqiy, Xöqanboy Ab-duholiq öğli va b. ziyolilar öz maqolalari bilan muntazam qatnaşib turganlar.
Gaz. milliy işlar komissarligi tomonidan 1918 y. apr.da töxtatilib, uning örniga «Mehnatkaşlar öqi» nomli bolşeviklar mafkurasiga mos yangi gaz. naşr qilina boşlagan. Sinfiy kuraş va bolşeviklar ğoyalarini tarğib etadigan bu gaz. keyinçalik (1918—21) «Mehnatkaşlar tovuşi», «Kambağallar tovuşi» nomlarida çop etilgan.
Asl matn (kirill, PDF'dagidek)
«ҲУРРИЯТ» - 1917 й. 16 апр.дан Самарқанд жадидлари томонидан нашр қилина бошлаган газета. Газ. адабий, иқтисодий-сиёсий йўналишда бўлиб, ҳафтада 2 марта чиқиб турган. «Ҳ.»га Акобир Шомансуров, Мардонқул Шомуҳаммедов, Абдура-уф Фитрат, Ҳожи Муин Шукрулло муҳаррирлик қилишган. Самарқанд жадидлари томонидан ташкил этилган «Зарафшон» ширкати кутубхонасининг асосий сармояси шу газ.га сарф қилинган. «Ҳ.» 1917— 18-й. ларда Туркистон ўлкасидаги, жумладан Тошкент, Самарқанд ва б. шаҳарлардаги сиёсий жараёнларни ёритишда асосий манбалардан бири ҳисобланган. «Ҳ.»да Маҳмудхўжа Беҳбудий («Бухоро воқеалари», «Иттифоқ керак» ва б.), Абдурауф Фитрат («Юрт қайғуси», «Мусулмонлар ғафлатда қолманг» ва б.), Ҳожи Муин («Шўрои Исломия ва сайлов», «Ёрдам керак»), Саидризо Ализода, Саидаҳмад Сиддиқий, Хўқанбой Аб-дуҳолиқ ўғли ва б. зиёлилар ўз мақолалари билан мунтазам қатнашиб турганлар.
Газ. миллий ишлар комиссарлиги томонидан 1918 й. апр.да тўхтатилиб, унинг ўрнига «Меҳнаткашлар ўқи» номли большевиклар мафкурасига мос янги газ. нашр қилина бошлаган. Синфий кураш ва большевиклар ғояларини тарғиб этадиган бу газ. кейинчалик (1918—21) «Меҳнаткашлар товуши», «Камбағаллар товуши» номларида чоп этилган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.