Ibn Zayla
Manba: ÖzME, 4-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 7–8-b. — ziyouz.com
Ibn Zayla IBN ZAYLA, Abu Mansur Husayn bin Muhammad bin Tohir bin Umar Zayla (? — 1048) — qomusiy olim, musiqaşunos. Zahiriddin Bayhaqiyning ma'lumotiça, isfahonlik. Ibn Sinoning yaqin şogirdi va safdoşi. Öz davrida turli (tibbiyot, tabiiy va aniq) fanlar bilimdoni (köp asarlari ma'lum) bölganligidan hakim (donişmand) deb yuritilgan. «Kitob al-kafi fi almu-siqa» («Musiqaga oid töliq kitob») asari maşhur bölib, uning 2 qölyozmasi bizgaça yetib kelgan (London, Britaniya muzeyi kutubxonasi hamda Hindiston, Rampur ş. dagi Rido kutubxonasida saklanmoqda; arab musiqaşunosi Zakariya Yusuf bu kitobni 1964 y. Qohirada naşr ettirdi). Unda Movarounnahr va Huroson xalqlari musiqa madaniyatiga oid ma'lumotlar mavjud. Jumladan, öşa davrda keng tarqalgan musiqa janrlari, kuy va qöşiklar, musiqa çolğulari haqidagi ma'lumotlar, şuningdek, ta'lif (kompozitsiya), iyqo (usul-ritm), vazn va ohang muammolari yoritilgan.
Asl matn (kirill, PDF'dagidek)
ИБН ЗАЙЛА, Абу Мансур Ҳусайн бин Муҳаммад бин Тоҳир бин Умар Зайла (? — 1048) — қомусий олим, мусиқашунос. Заҳириддин Байҳақийнинг маълумотича, исфаҳонлик. Ибн Синонинг яқин шогирди ва сафдоши. Ўз даврида турли (тиббиёт, табиий ва аниқ) фанлар билимдони (кўп асарлари маълум) бўлганлигидан ҳаким (донишманд) деб юритилган. «Китоб ал-кафи фи алму-сиқа» («Мусиқага оид тўлиқ китоб») асари машҳур бўлиб, унинг 2 қўлёзмаси бизгача етиб келган (Лондон, Британия музейи кутубхонаси ҳамда Ҳиндистон, Рампур ш. даги Ридо кутубхонасида сакланмоқда; араб мусиқашуноси Закария Юсуф бу китобни 1964 й. Қоҳирада нашр эттирди). Унда Мовароуннаҳр ва Ҳуросон халқлари мусиқа маданиятига оид маълумотлар мавжуд. Жумладан, ўша даврда кенг тарқалган мусиқа жанрлари, куй ва қўшиклар, мусиқа чолғулари ҳақидаги маълумотлар, шунингдек, таълиф (композиция), ийқо (усул-ритм), вазн ва оҳанг муаммолари ёритилган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.