Igor Fyodoroviç Stravinskiy
Manba: ÖzME, 8-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 618-b. — ziyouz.com
Stravinskiy Igor Fyodoroviç [1882.5 (17).6, hoz. Lomonosov — 1971.6.4, NyuYork, Venetsiyada dafn etilgan] — rus kompozitori, pianinoçi va dirijyor. Atoqli xonanda Fyodor Stravinskiy (1843—1902)ning öğli. 20- a. musiqasining islohotçilaridan. Peterburg un-ti (1900—05)da va musiqadan N.RimskiyKorsakov (1903—05)da tahsil körgan. 1914 y.dan Yevropa, 1939 y.dan AQŞda yaşagan. Deyarli 65 yillik ijodiy faoliyati davomida rus musiqasi an'analariga tayangan. Şuningdek, musiqiy impressionizm («Qaqnus» baleti), moziy rus folklori («Petruşka», «Muqaddas bahor» baletlari), neoklassitsizm («Pulçinella» baleti, «Şoh Edip» operaoratoriyasi va b.), jaz musiqasi («Regtaym», «Obnus konserti»), diniy musiqa («Psalmlar simfoniyasi», «Trenlar», «Rekviyem», «Motam kanonlari»), dodekafoniya («Dilan Tomas xotirasiga», «Agon», «Jon Kennedi elegiyasi» va b.) kabi uslublarga öziga xos tarzda murojaat kilgan. S. asarlari boy fantaziyasi, kuylari, ritmikasi, orkestrlaş usullarining originalligi, şaklan rang-barangligi bilan qimmatlidir. S.ning ijodiy merosi va konsert faoliyati zamonaviy musiqa rivojiga katta ta'sir körsatmoqda. S. 20 a.da «Hyp — Şarqdandir!» degan da'vatni takrorlab, Şarq mavzulariga murojaat etgan. Özbekistonda uning qator kamerçolğu va simfonik (2 simfoniyasi — premyera tarzida) asarlari, balet musiqasi muntazam ijro etilmoqda.
Töxtasin Ğafurbekov.
Asl matn (kirill, PDF'dagidek)
СТРАВИНСКИЙ Игорь Фёдорович [1882.5 (17).6, ҳоз. Ломоносов — 1971.6.4, НьюЙорк, Венецияда дафн этилган] — рус композитори, пианиночи ва дирижёр. Атоқли хонанда Фёдор Стравинский (1843—1902)нинг ўғли. 20- а. мусиқасининг ислоҳотчиларидан. Петербург ун-ти (1900—05)да ва мусиқадан Н.РимскийКорсаков (1903—05)да таҳсил кўрган. 1914 й.дан Европа, 1939 й.дан АҚШда яшаган. Деярли 65 йиллик ижодий фаолияти давомида рус мусиқаси анъаналарига таянган. Шунингдек, мусиқий импрессионизм («Қақнус» балети), мозий рус фольклори («Петрушка», «Муқаддас баҳор» балетлари), неоклассицизм («Пульчинелла» балети, «Шоҳ Эдип» операораторияси ва б.), жаз мусиқаси («Рэгтайм», «Обнус концерти»), диний мусиқа («Псалмлар симфонияси», «Тренлар», «Реквием», «Мотам канонлари»), додекафония («Дилан Томас хотирасига», «Агон», «Жон Кеннеди элегияси» ва б.) каби услубларга ўзига хос тарзда мурожаат килган. С. асарлари бой фантазияси, куйлари, ритмикаси, оркестрлаш усулларининг оригиналлиги, шаклан ранг-баранглиги билан қимматлидир. С.нинг ижодий мероси ва концерт фаолияти замонавий мусиқа ривожига катта таъсир кўрсатмоқда. С. 20 а.да «Hyp — Шарқдандир!» деган даъватни такрорлаб, Шарқ мавзуларига мурожаат этган. Ўзбекистонда унинг қатор камерчолғу ва симфоник (2 симфонияси — премьера тарзида) асарлари, балет мусиқаси мунтазам ижро этилмоқда.
Тўхтасин Ғафурбеков.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.