Ijro etuvçi hokimiyat
Manba: ÖzME, 4-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 59-b. — ziyouz.com
Ijro etuvçi hokimiyat - davlat hokimiyatining qonun çiqaruvçi hokimiyat va sud hokimiyati kabi mustaqil tarmoqlaridan biri. Joriy qonunlar va b. meyoriy hujjatlarga asoslanib, boşqaruv vazifalarini bajaradi (davlat boşliği, hukumat). Qonun çiqaruvçi hokimiyat hujjatlarini ijro etiş maqsadida öz qaror va farmoyişlarini qabul qiladi, odatda, davlat boşliği (prezidenta) ning bevosita rahbarligi va nazorati ostida iş köradi. I. e. h. mintaqaviy va mahalliy darajada mahalliy özini-özi boşqariş organlari (hokim, oqsoqol, gubernator, mer, prefekt) tomonidan amalga oşiriladi.
ÖzRda hukumat — Özbekiston Respublikasi Vazirlar Mahkamasi davlat xokimiyatining oliy ijroçi va boşqa-ruvçi organi hisoblanadi. U iqtiso-diyotning, ijtimoiy va ma'naviy sohaning samarali faoliyat körsatişiga, qonunlar ijro etilişiga, Oliy Majlisning qarorlari, Özbekiston Respublikasi Prezidentining farmonlari, qarorlari va farmoyişlarining bajarilişiga rahbarlikni ta'minlaydi. Mahalliy I. e. h. organlari ÖzR qonunlarini, Prezident farmonlarini, davlat hokimiyati yuqori organlarining qarorlarini amalga oşiradi. Viloyat, tuman va şaharlarda I. e. H. ni hokim boşçiligidagi viloyat, tuman va şahar hokimliklari boşqaradi (yana q. Özbekiston Respublikasi Vazirlar Mah-kamasi, Fuqarolarning özini-özi boşqariş organlari).
Asl matn (kirill, PDF'dagidek)
ИЖРО ЭТУВЧИ ҲОКИМИЯТ - давлат ҳокимиятининг қонун чиқарувчи ҳокимият ва суд ҳокимияти каби мустақил тармоқларидан бири. Жорий қонунлар ва б. меъёрий ҳужжатларга асосланиб, бошқарув вазифаларини бажаради (давлат бошлиғи, ҳукумат). Қонун чиқарувчи ҳокимият ҳужжатларини ижро этиш мақсадида ўз қарор ва фармойишларини қабул қилади, одатда, давлат бошлиғи (президента) нинг бевосита раҳбарлиги ва назорати остида иш кўради. И. э. ҳ. минтақавий ва маҳаллий даражада маҳаллий ўзини-ўзи бошқариш органлари (ҳоким, оқсоқол, губернатор, мэр, префект) томонидан амалга оширилади.
ЎзРда ҳукумат — Ўзбекистон Республикаси Вазирлар Маҳкамаси давлат хокимиятининг олий ижрочи ва бошқа-рувчи органи ҳисобланади. У иқтисо-диётнинг, ижтимоий ва маънавий соҳанинг самарали фаолият кўрсатишига, қонунлар ижро этилишига, Олий Мажлиснинг қарорлари, Ўзбекистон Республикаси Президентининг фармонлари, қарорлари ва фармойишларининг бажарилишига раҳбарликни таъминлайди. Маҳаллий И. э. ҳ. органлари ЎзР қонунларини, Президент фармонларини, давлат ҳокимияти юқори органларининг қарорларини амалга оширади. Вилоят, туман ва шаҳарларда И. э. Ҳ. ни ҳоким бошчилигидаги вилоят, туман ва шаҳар ҳокимликлари бошқаради (яна қ. Ўзбекистон Республикаси Вазирлар Маҳ-камаси, Фуқароларнинг ўзини-ўзи бошқариш органлари).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.