Infraxromatik materiallar
Manba: ÖzME, 4-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 239-b. — ziyouz.com
Infraxromatik materiallar (lot. infra — pastroq, ostida va yun. chroma — rang, tuye) — faqat közga körinadigan yoruğlik nurlarini emas, infraqizil nurlarni ham sezadigan fotografik materiallar (plastinka va plyonkalar). Tarkibida kumuşning galoidli birikmasi bölgan fotografik emulsiyalar spektrning kök-binafşa sohasini yaxşi sezadi, sariq, yaşil, kizil va infraqizil nurlarni esa deyarli sezmaydi. Ularni bu nurlarga sezgir qiliş uçun foto-emulsiyaga maxsus böyoq — sensibilizatorlar qöşiladi. Bir vaqtning özida qizil va infraqizil nurlarga sezgir qilingan (sensibillangan) materiallar panifraxromatik mate-riallar deb ataladi. I. m. tibbiyotda, astronomiyada, közga körinmaydigan narsalarni suratga oliş va b. maqsadlarda qöllanadi.
Asl matn (kirill, PDF'dagidek)
ИНФРАХРОМАТИК МАТЕРИАЛЛАР (лот. infra — пастроқ, остида ва юн. chroma — ранг, туе) — фақат кўзга кўринадиган ёруғлик нурларини эмас, инфрақизил нурларни ҳам сезадиган фотографик материаллар (пластинка ва плёнкалар). Таркибида кумушнинг галоидли бирикмаси бўлган фотографик эмульсиялар спектрнинг кўк-бинафша соҳасини яхши сезади, сариқ, яшил, кизил ва инфрақизил нурларни эса деярли сезмайди. Уларни бу нурларга сезгир қилиш учун фото-эмульсияга махсус бўёқ — сенсибилизаторлар қўшилади. Бир вақтнинг ўзида қизил ва инфрақизил нурларга сезгир қилинган (сенсибилланган) материаллар панифрахроматик мате-риаллар деб аталади. И. м. тиббиётда, астрономияда, кўзга кўринмайдиган нарсаларни суратга олиш ва б. мақсадларда қўлланади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.