Iogannes Brams
Manba: ÖzME, 2-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 627–628-b. — ziyouz.com
Brams Iogannes Iogannes (1833.7.5, Gamburg — 1897.3.4, Vena) — nemis kompozitori, pianinoçi va dirijyor, musiqiy romantizmning yorqin vakili. B. turli tarkibdagi ijroçilarga muljallangan jami 400 ga yaqin vokal (köşiq, romans, duet, xor va b.) asarlar yaratdi. Bular orasida Hofiz Şeroziy şe'rlariga yozilgan «Töqqizta qöşiq va sadolar» hamda «Beşta qöşiq» (ovoz va fortepiano uçun, 1863, 1864—68) B.ning eng yorqin oriyental (umumşarqiy) asarlaridir. Şuningdek, maşhur «Vengerça raqslar» (jami 21 ta, 1880), qayta işlangan venger, löli va b. xalqlar qöşiqlarida ham şarqona uslub xususiyatlari seziladi. B.ning «Nemisça rekviyem»i (1868), 4 ta simfoniyasi (1874—85), fortepiano va orkestr (2 ta), skripka va orkestr, skripka, violonçel va orkestr uçun konsertlari, fortepiano uçun 3 ta sonatasi, intermetssolari va b. asarlari Yevropa romantik musiqasi durdonalari qatoridan örin olgan. B.ning simfoniyalari, kamerçolgu va vokal asarlari Özbekistonda ham ijro etib kelinadi.
Asl matn (kirill, PDF'dagidek)
БРАМС (Brahms) Иоганнес (1833.7.5, Гамбург — 1897.3.4, Вена) — немис композитори, пианиночи ва дирижёр, мусиқий романтизмнинг ёрқин вакили. Б. турли таркибдаги ижрочиларга мулжалланган жами 400 га яқин вокал (кўшиқ, романс, дуэт, хор ва б.) асарлар яратди. Булар орасида Ҳофиз Шерозий шеърларига ёзилган «Тўққизта қўшиқ ва садолар» ҳамда «Бешта қўшиқ» (овоз ва фортепиано учун, 1863, 1864—68) Б.нинг энг ёрқин ориентал (умумшарқий) асарларидир. Шунингдек, машҳур «Венгерча рақслар» (жами 21 та, 1880), қайта ишланган венгер, лўли ва б. халқлар қўшиқларида ҳам шарқона услуб хусусиятлари сезилади. Б.нинг «Немисча реквием»и (1868), 4 та симфонияси (1874—85), фортепиано ва оркестр (2 та), скрипка ва оркестр, скрипка, виолончель ва оркестр учун концертлари, фортепиано учун 3 та сонатаси, интермеццолари ва б. асарлари Европа романтик мусиқаси дурдоналари қаторидан ўрин олган. Б.нинг симфониялари, камерчолгу ва вокал асарлари Ўзбекистонда ҳам ижро этиб келинади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.