Ion radiuslar

Ion radiuslar — ion kristallarda yadrolararo masofalarni taxm. aniqlaş uçun qöllaniladigan ionlarning şartli tavsiflari. Elementlar I. r. ning qiymati ularning Mendeleyev davriy sistemasida joylaşgan örniga boğliq. Ulardan kristallar kimyosida turli birikmalar kristallarining tuziliş qonuniyatlarini aniqlaş uçun, geokimyoviy jarayonlarda ionlarning almaşinuv hodisalarini örganiş uçun keng foydalaniladi. I. r. qiymatining bir-biridan farqlanadigan bir neçta tizimi mavjud, ammo bu qiymatlar taxm. yaqin. Ilk bor I. r. 20-a. ning 20-y.larida Norvegiya olimi V. M. Golşmidt tomonidan aniqlangan bölib, u ftor va kislorod ionlarining (0,133 va 0,132 nm) ref-raktometrda ölçangan qiymatlariga, amerikalik L. Poling tizimi kislorod ioni radiusining qabul qilingan qiymati (0,140 nm)ga asoslangan, rus olimlari N. V. Belov va G. B. Boki ylarning keng tarqalgan tizimiga köra, bu ion radiusi qiymati 0,136 nm, K. Şennon tizimida 0,12 nm ga teng deb qabul qilingan.