Islom Abduğaniyeviç Karimov
Manba: ÖzME, 4-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 167–169-b. — ziyouz.com
Karimov Islom Abduğaniyeviç (1938.30.1, Samarqand ş.) — yirik davlat va siyosat arbobi, Özbekiston Respublikasining birinçi Prezidenti. Özbekiston Qahramoni (1994). Xizmatçi oilasida tuğilgan. Örta Osiyo politexnika in-ti (1960), Toşkent xalq xöjaligi in-tini (1967) tugatgan. Mehnat faoliyatini 1960 y.da Toşkent qişloq xöjaligi maşinasozligi («Taşselmaş») z-dida master yordamçiligidan boşladi. Söng Mazkur korxonada master, texnolog. 1961 y.dan 1966 y.gaça V. P. Çkalov nomidagi Toşkent aviatsiya i.ç. birlaşmasida muhandis,yetakçi muhandis-konstruktor bölib işladi. 1966 y.da Özbekiston Davlat plan komitetiga işga ötib, boş mutaxassislikdan respublika Davlat plan komiteti raisining birinçi örinbosarigaça bölgan yölni bosib ötdi. 1983 y.dan Özbekiston SSR Moliya vaziri, 1986 y.dan Özbekiston SSR Ministrlar Soveti raisining örinbosari — respublika Davlat plan komitetining raisi. 1986—89 y.larda Özbekiston KP Qaşqadaryo viloyat komitetining birinçi kotibi, 1989 y. iyunidan Özbekiston KP MK birinçi kotibi. 1990 y. 24 martda Özbekiston SSR Oliy Kengaşining sessiyasida K. Özbekiston SSR Prezidenti etib saylandi.
1991 y. 31 avg.da K. tarixiy voqea — Özbekiston Respublikasining davlat . mustaqilligini e'lon qildi. 1991 y. 29 dek.da mukrbillik asosida ötkazilgan umumxalq saylovida K. Özbekiston Respublikasi Prezidenti etib saylandi. 1995 y. 26 martda bölib ötgan umumxalq referendumi yakunlariga köra, K.ning Prezidentlik vakolati 2000 y.ga qadar uzaytirildi. 2000 y. 9 yanv.da u muqobillik asosida Özbekiston Respublikasining Prezidenti etib qayta saylandi. Özbekiston Respublikasi Konstitutsiyasining 89- va 93-moddalariga muvofiq, K. ayni vaqtda, Özbekiston Respublikasi Vazirlar Mahkamasining Raisi, Özbekiston Respublikasi Qurolli Kuçlarining Oliy Boş qömondonidir.
K. Özbekiston FA akad. (1994), şuningdek, iqtisod, fan, ta'limni rivojlantirişga qöşgan ulkan hissasi uçun öndan ortiq xorijiy mamlakat un-t va akademiyalarining faxriy fan doktori, prof. hamda akad. ligiga saylangan. Uning «Özbekistonning öz istiqlol va taraqqiyot yöli» (1992), «Yangi uy qurmay turib, eskisini buzmang» (1993), «Özbekiston — bozor munosabatlariga ötişning öziga xos yöli» (1993), «Bizdan ozod va obod Vatan qolsin» (1994), «Istiqlol va ma'naviyat» (1994), «Vatan sajdagoh kabi muqaddasdir» (1995), «Özbekiston XXI asr bösağasida: xavfsizlikka tahdid, barqarorlik şartlari va taraqqiyot kafolatlari» (1997), «Barkamol avlod orzusi» (1998), «Kuçli davlatdan kuçli jamiyat sari» (1998), «Tarixiy xotirasiz kelajak yöq» (1998), «Olloh qalbimizda, yuragimizda» (1999), «Ozod va obod vatan, erkin va farovon hayot — pirovard maqsadimiz» (2000), «Tinçlik uçun kuraşmoq kerak» (2001), «Özbekistonda demokratik özgarişlarni yanada çuqurlaştiriş va fuqarolik jamiyati asoslarini şakllantirişning asosiy yönalişlari» (2002) va b. asarlarida iqtisodiyot, ijtimoiy-siyosiy taraqqiyotning dolzarb masalalari tadqiq qilingan, Özbekistonning içki va taşqi siyosati ilmiy asoslab berilgan, hoz. va istiqboldagi vazifalar körsatib ötilgan. Uning asarlari ingliz, rus, fransuz, ispan, nemis, hind, xitoy, arab, koreys, turk va b. xorijiy tillarga tarjima qilinib, bir neça bor naşr etilgan.
Öbekiston xalqi istiqlol yillarida erişilgan barça yutuqlarni haqli ravişda K. nomi va faoliyati b-n boğlaydi. U sobiq sovet tuzumidan keyin paydo bölgan beqaror, notinç davrda Öbekiston jamiyatida barqarorlik va işonçni paydo kila oldi, xalqi oldiga millatni yuksaklarga köaradigan ulkan maqsad va vazifalar qöydi. K. Öbekistonda amalga oşirilgan ulkan işlar, tarixiy özgarişlarning taşabbuskori va rahnamosi, mamlakatning istiqol dasturini işlab çiqqan va milliy taraqqiyot yölini belgilab bergan atoqi davlat arbobidir. K. demokratik talablar va xalqaro mezonlarga töla javob beradigan Öbekiston Respublikasi Konstitutsiyasining asosiy muallifi va uni hayotga tatbiq etişning kafolatidir. U markaziy hokimiyat va uning joylardagi böğinlarini isloh qiliş, davlat, jamiyat va inson munosabatlarini uyğunlaştirişga qaratilgan yangi siyosiy-ijtimoiy tizim tamoyillarini işlab çiqdi va amalga oşirdi. Özbekiston xalqining öziga xos xususiyatlari hamda ilğor jahon tajribalarini mujassamlaştirgan iqtisodiy islohotlarning yangi modelini işlab çikdi. Bu rivojlaniş yöli iqtisodiyotning siyosatdan ustunligi, qonun ustuvorligi, ötiş davrida davlatning boş islohotçilik roli, islohotlarni bosqiçma-bosqiç amalga oşiriş, kuçli ijtimoiy himoyadan iborat 5 tamoyilni öz içiga oladi va u dunyoda «öbek modeli» deb e'tirof etilgan. K. rahbarligi va bevosita iştirokida Öbekistan turli-tuman «sakraş» lar, «falaj qilib davolaş» lardan voz keçib, bozor iqtisodiyotiga ötişda öziga xos yöldan bordi va puxta öylangan dastur asosida mamlakat iqtisodiy poydevorini qura boşladi. Qisqa vaqt içida mamlakat neft va neft mahsulotlari, ğalla mustaqilligiga erişdi. Özbekiston Respublikasida yuksak sifatli oltin va gaz qazib oliş keskin darajada köpaydi, i.ç.ning yangi sohalari, mas, avtomobilsozlik sanoati barpo etildi. K. Öbekistan davlatining hududiy yaxlitligini, sarhadlari daxlsizligini himoya qilişga qodir qurolli kuçlar, çegara va içki qöşinlarni zamonaviy islohotlar asosida taşkil etiş işiga rahbarlik qildi. KPSS MK boşçiligidagi mustabid kuçlar Özbekistonda adolatsizlik va tazyiqlarni avj oldirgan yillarda özbek nomini nohaq tahqir va haqoratlardan himoya qiliş, xalqning or-nomusini, milliy ğururini tiklaşda fidoyilik namunasini körsatdi.
K. jahon siyosat olamida hamişa ilğor fikrlarni ilgari suradigan, taşabbuskor, öz nuqtai nazarini qat'iy himoya qilib, oldiga qöyilgan maqsadga erişa oladigan şaxs sifatida tanilgan. U sobitqadamlik b-n tinçlik va hamjihatlik siyosatini yuritib kelmoqda. K. yuksak xalqaro uçraşuvlarda birinçilardan bölib 21-a. vabosi hisoblanmiş terrorçilikka va u b-n çambarças boğliq narkobiznesa qarşi faqat hamjihatliqda kuraşiş zarurligini, mazkur dahşatli tahdid manbalarini bartaraf etiş va Markaziy Osiyo mintaqasida «xavfsizlik kamari»ni şakllantirişga qaratilgan çora-tadbirlar tizimini yaratiş kerakligini ta'kidlab keldi. Xalqaro maydonda Özbekistonning obrö-e'tiborini yuksaltiriş, uning qad. boy madaniyati va bugungi ulkan salohiyatini dunyoga tanitişda buyuk xizmat qildi. Özbekiston BMTga a'zo bölib kirdi (1992 y., 2 mart), deyarli barça nufuzli xalqaro taşkilotlar va mintaqaviy uyuşmalarga qabul qilindi, 120 dan ortiq davlat b-n diplomatik aloqa örnatdi, özaro manfaatli hamkorlikni yölga qöydi. Özbekiston özining tinçliksevar taşqi siyosati, Markaziy Osiyoda tinçlik va barqarorlikni ta'minlaş, mintaqa mamlakatlari örtasida yagona iqtisodiy makonni vujudga keltiriş, Orol dengizi muammolarini jahon hamjamiyati kömagida har tomonlama hal etişga qaratilgan bir qator taşabbuslari b-n xalqaro maydonda tanildi, öz nufuziga ega böldi. Jamiyatda ma'naviy poklaniş va yuksalişga erişiş, eski aqidalardan xalos böliş, şu asosda milliy istiqlol ğoyasini yaratiş va hayotga tatbiq etiş uçun ma'naviy qadriyatlarga hurmatehtirom b-n munosabatda böliş, ularni asrab-avaylaş va rivojlantiriş, xalqqa özining muqaddas dini, urf-odatlarini qaytarib beriş, tarixiy merosini tiklaş, soğlom avlodni voyaga yetkaziş vazifalarini K. yurtimizda davlat siyosati darajasiga kötardi. K.ning 21-a. bösağasida özbek millatining özligini anglaşi, uning qadrqimmatini joyiga qöyiş, özbek nomini butun dunyoga tarannum etişda qöşgan hissasi ayniqsa beqiyosdir. U odamlarning tafakkurini özgartiriş, ularning ongida yangi milliy ğoya, milliy mafkura asoslarini şakllantiriş va mustahkamlaş, kadrlar tayyorlaş milliy dasturini yaratiş va uni amalga oşirişga rahnamolik qildi. Mahallaning davlat va jamiyat boşqaruvidagi nufuzini oşiriş, vakolat va hukuklarini kengaytiriş, fuqarolarning öz-özini boşqariş tizimi sifatida uni har tomonlama qöllab-quvvatlaş taşabbuskori böldi. K. yangi turar joylar quriş, şu jumladan, uluğ ajdodlarimizning qadam-jolarini obod qiliş, iqtisodiy salohiyatni oşirişda katta örin tutadigan yirik-yirik korxonalarni bunyod etiş, şahar-qişloqlar, avvalambor, poytaxt Toşkentning şakl-qiyofasini tubdan özgartiriş işlariga bevosita rahbarlik qilmoqda.
K. mustaqil Özbekiston davlati va davlatçiligini barpo qiliş, demokratik fuqarolik jamiyati quriş asoslarini yaratdi, yangi asrda mamlakatimiz taraqqiyotining asosiy yönalişlarini işlab çiqdi, yoruğ istiqbol yölida xalqni birlaştirib, uni uluğ maqsadlar sari boşlab bormoqda.
K. suveren va mustaqil Özbekistonni barpo etiş, xalqparvar demokratik huquqiy davlat yaratiş, fuqarolar tinçligi va milliy totuvlikni ta'minlaş, tarixiy adolatni tiklaş işiga qöşgan ulkan hissasi hamda bu borada matonat va jasorat körsatganligi uçun «Mustaqillik» (1996), Amir Temur (1998) ordenlari b-n taqdirlangan. Şuningdek, u bir qança xorijiy davlatlarning va nufuzli xalqaro taşkilotlarning orden va medallari b-n mukofotlangan.
Ac: Asarlar, 1-10-j.lar, T., 1996- 2002.
Ad.: E'tirof [uzbek, ingliz, rus tillarida], T., 1995; Özbekistonning yangi tari-xi, 3-j. [Mustaqil Özbekiston tarixi], T., 2000; Islom Karimov — Uzbekistan Respublikasining birinçi Prezidenti (fotoalbom; uzbek, ingliz, rus tillarida), T., 1998; Levitin L., Karlayl D. S, Islom Karimov — yangi Uzbekistan Prezidenti, T., 1996; Levitin L., Uzbekistan na istoriçeskom povorote, M., 2001; Seriya Vojdi narodov — XX vek, M., 1996; Şarifxodjayev M., Formirovaniye otkritogo grajdanskogo obşestva v Uzbekistane, T., 2002; Amerikaga taşrif — Vizit v Ameriku, T., 2002.
Asl matn (kirill, PDF'dagidek)
КАРИМОВ Ислом Абдуғаниевич (1938.30.1, Самарқанд ш.) — йирик давлат ва сиёсат арбоби, Ўзбекистон Республикасининг биринчи Президенти. Ўзбекистон Қаҳрамони (1994). Хизматчи оиласида туғилган. Ўрта Осиё политехника ин-ти (1960), Тошкент халқ хўжалиги ин-тини (1967) тугатган. Меҳнат фаолиятини 1960 й.да Тошкент қишлоқ хўжалиги машинасозлиги («Ташсельмаш») з-дида мастер ёрдамчилигидан бошлади. Сўнг Мазкур корхонада мастер, технолог. 1961 й.дан 1966 й.гача В. П. Чкалов номидаги Тошкент авиация и.ч. бирлашмасида муҳандис,етакчи муҳандис-конструктор бўлиб ишлади. 1966 й.да Ўзбекистон Давлат план комитетига ишга ўтиб, бош мутахассисликдан республика Давлат план комитети раисининг биринчи ўринбосаригача бўлган йўлни босиб ўтди. 1983 й.дан Ўзбекистон ССР Молия вазири, 1986 й.дан Ўзбекистон ССР Министрлар Совети раисининг ўринбосари — республика Давлат план комитетининг раиси. 1986—89 й.ларда Ўзбекистон КП Қашқадарё вилоят комитетининг биринчи котиби, 1989 й. июнидан Ўзбекистон КП МК биринчи котиби. 1990 й. 24 мартда Ўзбекистон ССР Олий Кенгашининг сессиясида К. Ўзбекистон ССР Президенти этиб сайланди.
1991 й. 31 авг.да К. тарихий воқеа — Ўзбекистон Республикасининг давлат . мустақиллигини эълон қилди. 1991 й. 29 дек.да мукрбиллик асосида ўтказилган умумхалқ сайловида К. Ўзбекистон Республикаси Президенти этиб сайланди. 1995 й. 26 мартда бўлиб ўтган умумхалқ референдуми якунларига кўра, К.нинг Президентлик ваколати 2000 й.га қадар узайтирилди. 2000 й. 9 янв.да у муқобиллик асосида Ўзбекистон Республикасининг Президенти этиб қайта сайланди. Ўзбекистон Республикаси Конституциясининг 89- ва 93-моддаларига мувофиқ, К. айни вақтда, Ўзбекистон Республикаси Вазирлар Маҳкамасининг Раиси, Ўзбекистон Республикаси Қуролли Кучларининг Олий Бош қўмондонидир.
К. Ўзбекистон ФА акад. (1994), шунингдек, иқтисод, фан, таълимни ривожлантиришга қўшган улкан ҳиссаси учун ўндан ортиқ хорижий мамлакат ун-т ва академияларининг фахрий фан доктори, проф. ҳамда акад. лигига сайланган. Унинг «Ўзбекистоннинг ўз истиқлол ва тараққиёт йўли» (1992), «Янги уй қурмай туриб, эскисини бузманг» (1993), «Ўзбекистон — бозор муносабатларига ўтишнинг ўзига хос йўли» (1993), «Биздан озод ва обод Ватан қолсин» (1994), «Истиқлол ва маънавият» (1994), «Ватан саждагоҳ каби муқаддасдир» (1995), «Ўзбекистон XXI аср бўсағасида: хавфсизликка таҳдид, барқарорлик шартлари ва тараққиёт кафолатлари» (1997), «Баркамол авлод орзуси» (1998), «Кучли давлатдан кучли жамият сари» (1998), «Тарихий хотирасиз келажак йўқ» (1998), «Оллоҳ қалбимизда, юрагимизда» (1999), «Озод ва обод ватан, эркин ва фаровон ҳаёт — пировард мақсадимиз» (2000), «Тинчлик учун курашмоқ керак» (2001), «Ўзбекистонда демократик ўзгаришларни янада чуқурлаштириш ва фуқаролик жамияти асосларини шакллантиришнинг асосий йўналишлари» (2002) ва б. асарларида иқтисодиёт, ижтимоий-сиёсий тараққиётнинг долзарб масалалари тадқиқ қилинган, Ўзбекистоннинг ички ва ташқи сиёсати илмий асослаб берилган, ҳоз. ва истиқболдаги вазифалар кўрсатиб ўтилган. Унинг асарлари инглиз, рус, француз, испан, немис, ҳинд, хитой, араб, корейс, турк ва б. хорижий тилларга таржима қилиниб, бир неча бор нашр этилган.
Ўбекистон халқи истиқлол йилларида эришилган барча ютуқларни ҳақли равишда К. номи ва фаолияти б-н боғлайди. У собиқ совет тузумидан кейин пайдо бўлган беқарор, нотинч даврда Ўбекистон жамиятида барқарорлик ва ишончни пайдо кила олди, халқи олдига миллатни юксакларга кўарадиган улкан мақсад ва вазифалар қўйди. К. Ўбекистонда амалга оширилган улкан ишлар, тарихий ўзгаришларнинг ташаббускори ва раҳнамоси, мамлакатнинг истиқол дастурини ишлаб чиққан ва миллий тараққиёт йўлини белгилаб берган атоқи давлат арбобидир. К. демократик талаблар ва халқаро мезонларга тўла жавоб берадиган Ўбекистон Республикаси Конституциясининг асосий муаллифи ва уни ҳаётга татбиқ этишнинг кафолатидир. У марказий ҳокимият ва унинг жойлардаги бўғинларини ислоҳ қилиш, давлат, жамият ва инсон муносабатларини уйғунлаштиришга қаратилган янги сиёсий-ижтимоий тизим тамойилларини ишлаб чиқди ва амалга оширди. Ўзбекистон халқининг ўзига хос хусусиятлари ҳамда илғор жаҳон тажрибаларини мужассамлаштирган иқтисодий ислоҳотларнинг янги моделини ишлаб чикди. Бу ривожланиш йўли иқтисодиётнинг сиёсатдан устунлиги, қонун устуворлиги, ўтиш даврида давлатнинг бош ислоҳотчилик роли, ислоҳотларни босқичма-босқич амалга ошириш, кучли ижтимоий ҳимоядан иборат 5 тамойилни ўз ичига олади ва у дунёда «ўбек модели» деб эътироф этилган. К. раҳбарлиги ва бевосита иштирокида Ўбекистан турли-туман «сакраш» лар, «фалаж қилиб даволаш» лардан воз кечиб, бозор иқтисодиётига ўтишда ўзига хос йўлдан борди ва пухта ўйланган дастур асосида мамлакат иқтисодий пойдеворини қура бошлади. Қисқа вақт ичида мамлакат нефть ва нефть маҳсулотлари, ғалла мустақиллигига эришди. Ўзбекистон Республикасида юксак сифатли олтин ва газ қазиб олиш кескин даражада кўпайди, и.ч.нинг янги соҳалари, мас, автомобилсозлик саноати барпо этилди. К. Ўбекистан давлатининг ҳудудий яхлитлигини, сарҳадлари дахлсизлигини ҳимоя қилишга қодир қуролли кучлар, чегара ва ички қўшинларни замонавий ислоҳотлар асосида ташкил этиш ишига раҳбарлик қилди. КПСС МК бошчилигидаги мустабид кучлар Ўзбекистонда адолатсизлик ва тазйиқларни авж олдирган йилларда ўзбек номини ноҳақ таҳқир ва ҳақоратлардан ҳимоя қилиш, халқнинг ор-номусини, миллий ғурурини тиклашда фидойилик намунасини кўрсатди.
К. жаҳон сиёсат оламида ҳамиша илғор фикрларни илгари сурадиган, ташаббускор, ўз нуқтаи назарини қатъий ҳимоя қилиб, олдига қўйилган мақсадга эриша оладиган шахс сифатида танилган. У собитқадамлик б-н тинчлик ва ҳамжиҳатлик сиёсатини юритиб келмоқда. К. юксак халқаро учрашувларда биринчилардан бўлиб 21-а. вабоси ҳисобланмиш террорчиликка ва у б-н чамбарчас боғлиқ наркобизнеса қарши фақат ҳамжиҳатлиқда курашиш зарурлигини, мазкур даҳшатли таҳдид манбаларини бартараф этиш ва Марказий Осиё минтақасида «хавфсизлик камари»ни шакллантиришга қаратилган чора-тадбирлар тизимини яратиш кераклигини таъкидлаб келди. Халқаро майдонда Ўзбекистоннинг обрў-эътиборини юксалтириш, унинг қад. бой маданияти ва бугунги улкан салоҳиятини дунёга танитишда буюк хизмат қилди. Ўзбекистон БМТга аъзо бўлиб кирди (1992 й., 2 март), деярли барча нуфузли халқаро ташкилотлар ва минтақавий уюшмаларга қабул қилинди, 120 дан ортиқ давлат б-н дипломатик алоқа ўрнатди, ўзаро манфаатли ҳамкорликни йўлга қўйди. Ўзбекистон ўзининг тинчликсевар ташқи сиёсати, Марказий Осиёда тинчлик ва барқарорликни таъминлаш, минтақа мамлакатлари ўртасида ягона иқтисодий маконни вужудга келтириш, Орол денгизи муаммоларини жаҳон ҳамжамияти кўмагида ҳар томонлама ҳал этишга қаратилган бир қатор ташаббуслари б-н халқаро майдонда танилди, ўз нуфузига эга бўлди. Жамиятда маънавий покланиш ва юксалишга эришиш, эски ақидалардан халос бўлиш, шу асосда миллий истиқлол ғоясини яратиш ва ҳаётга татбиқ этиш учун маънавий қадриятларга ҳурматэҳтиром б-н муносабатда бўлиш, уларни асраб-авайлаш ва ривожлантириш, халққа ўзининг муқаддас дини, урф-одатларини қайтариб бериш, тарихий меросини тиклаш, соғлом авлодни вояга етказиш вазифаларини К. юртимизда давлат сиёсати даражасига кўтарди. К.нинг 21-а. бўсағасида ўзбек миллатининг ўзлигини англаши, унинг қадрқимматини жойига қўйиш, ўзбек номини бутун дунёга тараннум этишда қўшган ҳиссаси айниқса беқиёсдир. У одамларнинг тафаккурини ўзгартириш, уларнинг онгида янги миллий ғоя, миллий мафкура асосларини шакллантириш ва мустаҳкамлаш, кадрлар тайёрлаш миллий дастурини яратиш ва уни амалга оширишга раҳнамолик қилди. Маҳалланинг давлат ва жамият бошқарувидаги нуфузини ошириш, ваколат ва ҳукукларини кенгайтириш, фуқароларнинг ўз-ўзини бошқариш тизими сифатида уни ҳар томонлама қўллаб-қувватлаш ташаббускори бўлди. К. янги турар жойлар қуриш, шу жумладан, улуғ аждодларимизнинг қадам-жоларини обод қилиш, иқтисодий салоҳиятни оширишда катта ўрин тутадиган йирик-йирик корхоналарни бунёд этиш, шаҳар-қишлоқлар, авваламбор, пойтахт Тошкентнинг шакл-қиёфасини тубдан ўзгартириш ишларига бевосита раҳбарлик қилмоқда.
К. мустақил Ўзбекистон давлати ва давлатчилигини барпо қилиш, демократик фуқаролик жамияти қуриш асосларини яратди, янги асрда мамлакатимиз тараққиётининг асосий йўналишларини ишлаб чиқди, ёруғ истиқбол йўлида халқни бирлаштириб, уни улуғ мақсадлар сари бошлаб бормоқда.
К. суверен ва мустақил Ўзбекистонни барпо этиш, халқпарвар демократик ҳуқуқий давлат яратиш, фуқаролар тинчлиги ва миллий тотувликни таъминлаш, тарихий адолатни тиклаш ишига қўшган улкан ҳиссаси ҳамда бу борада матонат ва жасорат кўрсатганлиги учун «Мустақиллик» (1996), Амир Темур (1998) орденлари б-н тақдирланган. Шунингдек, у бир қанча хорижий давлатларнинг ва нуфузли халқаро ташкилотларнинг орден ва медаллари б-н мукофотланган.
Ac: Асарлар, 1-10-ж.лар, Т., 1996- 2002.
Ад.: Эътироф [узбек, инглиз, рус тилларида], Т., 1995; Ўзбекистоннинг янги тари-хи, 3-ж. [Мустақил Ўзбекистон тарихи], Т., 2000; Ислом Каримов — Узбекистан Республикасининг биринчи Президенти (фотоальбом; узбек, инглиз, рус тилларида), Т., 1998; Левитин Л., Карлайл Д. С, Ислом Каримов — янги Узбекистан Президенти, Т., 1996; Левитин Л., Узбекистан на историческом повороте, М., 2001; Серия Вожди народов — XX век, М., 1996; Шарифходжаев М., Формирование открытого гражданского общества в Узбекистане, Т., 2002; Америкага ташриф — Визит в Америку, Т., 2002.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.