Islomxöja madrasasi va minorasi
Manba: ÖzME, 4-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 321-b. — ziyouz.com
Islomxöja madrasasi va minorasi — Xivadagi me'moriy yodgorlik. Içan qal'a markazida joylaşgan. Xiva xoni Asfandiyorxonnmt boş vaziri va qaynotasi Islomxöja qurdirgan (1908—10). Madrasa (42,8*32,5)ning boş tarzi ikki qavatli. Hovli (23x20) atrofi bir qavatli kiçik hujralar (jami 42 ta) b-n öralgan. Boş tarzining hovliga qaragan ikkinçi qavatida ayvon bor. Madrasaning jan.şarqidagi masjid gumbazli, mehrobi koşin va gançkori naqş b-n bezatilgan. Old tomonida Xivadagi eng baland minora (44,6 m) qad kötargan. Asosining diametri —9,5 m. Yuqoriga tomon ingiçkalaşib boradi. Kök, yaşil rangli naqşlar b-n bel-boğlar işlangan. Qafasasiga panjaralar örnatilib, yuqorisi muqarnasli şarafa va qubba b-n yakunlangan. Minora şaharning deyarli hamma tomonidan közga yaqqol taşlanib turadi. I.m. va m.ni qurişda me'mor Xudoybergan hoji, naqqoşlar Eşmuhammad Xudoyberdiyev, Bolta Voisov va b. katnaşgan.
Asl matn (kirill, PDF'dagidek)
ИСЛОМХЎЖА МАДРАСАСИ ВА МИНОРАСИ — Хивадаги меъморий ёдгорлик. Ичан қалъа марказида жойлашган. Хива хони Асфандиёрхоннмт бош вазири ва қайнотаси Исломхўжа қурдирган (1908—10). Мадраса (42,8*32,5)нинг бош тарзи икки қаватли. Ҳовли (23x20) атрофи бир қаватли кичик ҳужралар (жами 42 та) б-н ўралган. Бош тарзининг ҳовлига қараган иккинчи қаватида айвон бор. Мадрасанинг жан.шарқидаги масжид гумбазли, меҳроби кошин ва ганчкори нақш б-н безатилган. Олд томонида Хивадаги энг баланд минора (44,6 м) қад кўтарган. Асосининг диаметри —9,5 м. Юқорига томон ингичкалашиб боради. Кўк, яшил рангли нақшлар б-н бел-боғлар ишланган. Қафасасига панжаралар ўрнатилиб, юқориси муқарнасли шарафа ва қубба б-н якунланган. Минора шаҳарнинг деярли ҳамма томонидан кўзга яққол ташланиб туради. И.м. ва м.ни қуришда меъмор Худойберган ҳожи, наққошлар Эшмуҳаммад Худойбердиев, Болта Воисов ва б. катнашган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.