Ivan Konstantinoviç Ayvazovskiy
Manba: ÖzME, 1-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 232-b. — ziyouz.com
Ayvazovskiy Ivan Konstantinoviç Konstantinoviç (1817.17.7 — Feodosiya — 1900.19.4) — rus rassomi. Armani oilasida tuğilgan. 1845 y.dan akademik, 1847 y.dan prof., 1887 y.dan Peterburg BAning faxriy a'zosi. Şuningdek, bir qator Yevropa BAlarining a'zosi bölgan. 1845 y.dan Feodosiyada yaşagan. A. merosi 6 mingga yaqin rassomlik asarlarini taşkil etadi. A. asarlari asosan dengiz manzaralariga bağişlangan, bepoyon okean va dengizlarning qudratli tölqin va töfonlari, ularning sokinligi, botayotgan quyoş nurida suvning jilvalanişi, oydin tun manzaralari tiniq va yorqin böyoqlar b-n nafis ifodalanadi. A.ning «Töqqizinçi val» (1850) asarining mazmuni dramatik bölişiga qaramay, kişida ğussa tuğdirmaydi; «Tungi böron» (1864), «Şimoliy dengizdagi böron» (1865), «Böron» (1872), «Dengizda oydin tun» (1878), «Qora dengiz» (1881), «Feodosiyada oy çiqişi» (1892) kabi manzaralari tundagi tabiatning rangtasvirdagi lirik ifodasidir. «Venetsiya» (1849), «Malaga» (1854), «Rodos oroli» (1861), «Krit orolida» (1867) kabi asarlari rassomning çet elga sayohatlari natijasidir. 1880 y.da Feodosiyada badiiy ustaxona va rasmlar galereyasini taşkil etdi, keyinçalik bular A. nomi b-n atala boşlandi.
Asl matn (kirill, PDF'dagidek)
АЙВАЗОВСКИЙ (Гайвазовский) Иван Константинович (1817.17.7 — Феодосия — 1900.19.4) — рус рассоми. Армани оиласида туғилган. 1845 й.дан академик, 1847 й.дан проф., 1887 й.дан Петербург БАнинг фахрий аъзоси. Шунингдек, бир қатор Европа БАларининг аъзоси бўлган. 1845 й.дан Феодосияда яшаган. А. мероси 6 мингга яқин рассомлик асарларини ташкил этади. А. асарлари асосан денгиз манзараларига бағишланган, бепоён океан ва денгизларнинг қудратли тўлқин ва тўфонлари, уларнинг сокинлиги, ботаётган қуёш нурида сувнинг жилваланиши, ойдин тун манзаралари тиниқ ва ёрқин бўёқлар б-н нафис ифодаланади. А.нинг «Тўққизинчи вал» (1850) асарининг мазмуни драматик бўлишига қарамай, кишида ғусса туғдирмайди; «Тунги бўрон» (1864), «Шимолий денгиздаги бўрон» (1865), «Бўрон» (1872), «Денгизда ойдин тун» (1878), «Қора денгиз» (1881), «Феодосияда ой чиқиши» (1892) каби манзаралари тундаги табиатнинг рангтасвирдаги лирик ифодасидир. «Венеция» (1849), «Малага» (1854), «Родос ороли» (1861), «Крит оролида» (1867) каби асарлари рассомнинг чет элга саёҳатлари натижасидир. 1880 й.да Феодосияда бадиий устахона ва расмлар галереясини ташкил этди, кейинчалик булар А. номи б-н атала бошланди.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.