Ixtiroçilik huquqi
Manba: ÖzME, 4-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 407-b. — ziyouz.com
Ixtiroçilik huquqi - Özbekistonda fan va texnika sohasida ixtiro yaratiş, uning rasman tan olinişi va qöllanişi b-n boğliq holda vujudga keladigan ijtimoiy munosa-batlarni tartibga solib turadigan fuqarolik-xuquqiy meyorlar majmui. Ixtiro fan va texnikada yangilik ekanini isbotlaş uçun u dastlabki taklif beriş asosida 15 kunlik muddat içida ekspertizadan ötkaziladi. Ixtiro ekspertiza uçun qabul qilingani yoki rad etilgani haqida taklif be-ruvçiga asosli dalillar b-n yozma ja-vob yuboriladi. Ekspertiza davomida buyurtmaçiga ixtiro mazmuniga biron-bir şaklda özgartiş yoki qöşimça kiritiş taklif etilişi mumkin, buning uçun yana ikki oylik muddat belgilanadi. Mazkur talablar öz vaqtida bajarilgan taqdirda ixtironing birinçi marta yaratilganligi fakt sifatida dastlabki taklif berilgan kundan e'tiboran tan olinadi. Taklifning ixtiro deb hisoblanişi uçun uning muallifi muayyan texnik muammoni ijodiy tarzda hal qilgan bölişi şart. Ixtiroga oid huquq qonun-qoidalari Özbekiston Respublikasi FK 62bobida belgilab berilgan. Ularga binoan, bu huquq ixtiroçiga patent berilganidagina muhofaza qilinadi. Patent b-n muhofazalanadigan ixtirodan öz xohişiça foydalanişdagi alohida huquq patent egasiga tegişlidir, boşka şaxslar uning ruxsatisiz ixtirodan foydalanişga haqli emas (qonunlarda közda tutilgan alohida hollar bundan mustasno). Ixtiro muallifi maxsus huquqlar, imtiyozlar b-n qonun vositasida ta'min etilişi mumkin.
Asl matn (kirill, PDF'dagidek)
ИХТИРОЧИЛИК ҲУҚУҚИ - Ўзбекистонда фан ва техника соҳасида ихтиро яратиш, унинг расман тан олиниши ва қўлланиши б-н боғлиқ ҳолда вужудга келадиган ижтимоий муноса-батларни тартибга солиб турадиган фуқаролик-хуқуқий меъёрлар мажмуи. Ихтиро фан ва техникада янгилик эканини исботлаш учун у дастлабки таклиф бериш асосида 15 кунлик муддат ичида экспертизадан ўтказилади. Ихтиро экспертиза учун қабул қилингани ёки рад этилгани ҳақида таклиф бе-рувчига асосли далиллар б-н ёзма жа-воб юборилади. Экспертиза давомида буюртмачига ихтиро мазмунига бирон-бир шаклда ўзгартиш ёки қўшимча киритиш таклиф этилиши мумкин, бунинг учун яна икки ойлик муддат белгиланади. Мазкур талаблар ўз вақтида бажарилган тақдирда ихтиронинг биринчи марта яратилганлиги факт сифатида дастлабки таклиф берилган кундан эътиборан тан олинади. Таклифнинг ихтиро деб ҳисобланиши учун унинг муаллифи муайян техник муаммони ижодий тарзда ҳал қилган бўлиши шарт. Ихтирога оид ҳуқуқ қонун-қоидалари Ўзбекистон Республикаси ФК 62бобида белгилаб берилган. Уларга биноан, бу ҳуқуқ ихтирочига патент берилганидагина муҳофаза қилинади. Патент б-н муҳофазаланадиган ихтиродан ўз хоҳишича фойдаланишдаги алоҳида ҳуқуқ патент эгасига тегишлидир, бошка шахслар унинг рухсатисиз ихтиродан фойдаланишга ҳақли эмас (қонунларда кўзда тутилган алоҳида ҳоллар бундан мустасно). Ихтиро муаллифи махсус ҳуқуқлар, имтиёзлар б-н қонун воситасида таъмин этилиши мумкин.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.