Jağ-jağ
Manba: ÖzME, 3-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 102-b. — ziyouz.com
Jağ-jağ JAĞ-JAĞ, oddiy jağ-jağ, oçambiti ICapsella bursa pastories (L.) Medic] — karamdoşlarga mansub bir yillik begona öt. 6 turi ma'lum. Özbekistonda 1 turi — S. bursa pastoris uçraydi. Tukli, ba'zan tuksiz poyasi oddiy yoki şoxlangan, böyi 10—50 sm. Tupbargdagi barglari bandli, oddiy, köpçiligi patsimon. Gullari mayda, siyrak şingilga töplangan. Tojbargi oq. Mevasi teskari yuraksimon uçburçak şaklli yoki ponasimon qözoq. Bir ösimlik 70 minggaça yaşovçan uruğ beradi. Ösimlik erta baxorda una boşlaydi va keç kuzgaça rivojlanişi davom etadi. Maysalari yer betida töpbarg hosil qiladi. J.-j. qor ostida qişlab, erta bahorda yana rivojlanişni davom ettiradi. Hamma yerda tarqalgan. Köpgina ekinzorlarda, begona öt sifatida ösadi. Şuningdek, yöl yoqalari, ariq böylarida ösadi.
Kuraş çoralari: kuzgi şudgor, ekişdan oldin tuproqqa işlov beriş, qator oralarini kultivatsiya qiliş. Boronalaşdan avval treflanning (4—6 kg/ ga) suvli emulsiyasini purkaş va tezda borona qiliş. Şuningdek, kotoran (1,0—1,6 kg/ga), kotofor (0,8—1,3 kg/ga), prometrin (1,3— 2,5 kg/ga) sepiladi.
Asl matn (kirill, PDF'dagidek)
ЖАҒ-ЖАҒ, оддий жағ-жағ, очамбити ICapsella bursa pastories (L.) Medic] — карамдошларга мансуб бир йиллик бегона ўт. 6 тури маълум. Ўзбекистонда 1 тури — С. bursa pastoris учрайди. Тукли, баъзан туксиз пояси оддий ёки шохланган, бўйи 10—50 см. Тупбаргдаги барглари бандли, оддий, кўпчилиги патсимон. Гуллари майда, сийрак шингилга тўпланган. Тожбарги оқ. Меваси тескари юраксимон учбурчак шаклли ёки понасимон қўзоқ. Бир ўсимлик 70 минггача яшовчан уруғ беради. Ўсимлик эрта бахoрда уна бошлайди ва кеч кузгача ривожланиши давом этади. Майсалари ер бетида тўпбарг ҳосил қилади. Ж.-ж. қор остида қишлаб, эрта баҳорда яна ривожланишни давом эттиради. Ҳамма ерда тарқaлган. Кўпгина экинзорларда, бегона ўт сифатида ўсади. Шунингдек, йўл ёқалари, ариқ бўйларида ўсади.
Кураш чоралари: кузги шудгор, экишдан олдин тупроққа ишлов бериш, қатор ораларини культивация қилиш. Бороналашдан аввал трефланнинг (4—6 кг/ га) сувли эмульсиясини пуркаш ва тезда борона қилиш. Шунингдек, которан (1,0—1,6 кг/га), котофор (0,8—1,3 кг/га), прометрин (1,3— 2,5 кг/га) сепилади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.