Jak Lui David
Manba: ÖzME, 3-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 3–4-b. — ziyouz.com
David Jak Lui Jak Lui (1748.30.8, Parij — 1825.29.12, Bryussel) — fransuz rassomi, inqilobiy klassitsizmning yetakçi namoyandasi. Parijdagi Qirollik rassomlik va haykaltaroşlik akademiyasida (1766—74; 1784 y.dan akademik), 1775—80 y.larda Rimda ta'lim olgan. Qad. tarixiy mavzulardagi asarlarida klassitsizm xususiyatlari közga taşlanadi («Goratsiylar qasamyodi», 1784; «Liktorlar Brutga uning öğli jasadini keltirmoqdalar», 1789 va b.). Ulug fransuz inqilobi (1789—94)da faol qatnaşgan, yakobinçilar Konventi a'zosi bölgan. Qahramon zamondoşlari qiyofasini aks ettirgan asarlar yaratgan («Töp öynaydigan zalda qasamyod», 1791; «Maratning ölimi», 1793 va b.). Termidorianlar töntarişidan söng inqilobiy harakatdan çetlaşdi. Direktoriya yillari, keyinroq Imperiyada D. Napoleonning birinçi rassomi bölgan. Körinişda yoqimli, tantanavor (saroybop) asarlar («Napoleon Sen-Bernardan ötişda», 1800; «Napoleonning Jozefinaga toj kiydirişi», 1805—07 va b.), öta nafis portretlar («Madam Rekamye», 1800 va b.) yaratdi. Ayni paytda realistik portretlari ham dunyoga keldi («Grendl oilasidan ösmir portreta», 1816 va b.). Burbonlar hokimiyatga qaytişi b-n Bryusselga ketadi.
Asl matn (kirill, PDF'dagidek)
ДАВИД (David) Жак Луи (1748.30.8, Париж — 1825.29.12, Брюссель) — француз рассоми, инқилобий классицизмнинг етакчи намояндаси. Париждаги Қироллик рассомлик ва ҳайкалтарошлик академиясида (1766—74; 1784 й.дан академик), 1775—80 й.ларда Римда таълим олган. Қад. тарихий мавзулардаги асарларида классицизм хусусиятлари кўзга ташланади («Горацийлар қасамёди», 1784; «Ликторлар Брутга унинг ўғли жасадини келтирмоқдалар», 1789 ва б.). Улуг француз инқилоби (1789—94)да фаол қатнашган, якобинчилар Конвенти аъзоси бўлган. Қаҳрамон замондошлари қиёфасини акс эттирган асарлар яратган («Тўп ўйнайдиган залда қасамёд», 1791; «Маратнинг ўлими», 1793 ва б.). Термидорианлар тўнтаришидан сўнг инқилобий ҳаракатдан четлашди. Директория йиллари, кейинроқ Империяда Д. Наполеоннинг биринчи рассоми бўлган. Кўринишда ёқимли, тантанавор (саройбоп) асарлар («Наполеон Сен-Бернардан ўтишда», 1800; «Наполеоннинг Жозефинага тож кийдириши», 1805—07 ва б.), ўта нафис портретлар («Мадам Рекамье», 1800 ва б.) яратди. Айни пайтда реалистик портретлари ҳам дунёга келди («Грендль оиласидан ўсмир портрета», 1816 ва б.). Бурбонлар ҳокимиятга қайтиши б-н Брюсселга кетади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.