Janubiy Farğona kanali
Manba: ÖzME, 3-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 87-b. — ziyouz.com
Janubiy Farğona kanali - Farğona vodiysidagi yirik irrigatsiya kanali. Özbekiston va Qirğiziston hududidan ötadi. Olay toğlaridan oqib tuşadigan soylar suvini tartibga soliş va Farğona vodiysining şarqiy va jan. qismida suv ta'minotini yaxşilaş maqğsadida haşar yöli b-n qazilgan (1940). Şahrixonsoy kanalining (Qoradaryo çap sohilida) yirik şoxobçasi. Dastlab Isfayramsoydagi Beşoliş uzoğligigaça qazilgan, keyinçalik Marğilonsoygaça yetkazildi. 1946 y.da Oltiariqsoygaça davom ettirildi. Uz. 120 km, eni boşlanişida 12 m, quyi qismida 2 m. Boş qismida suv sarfi 85 m-3/s. Polvontoş kollektorining suvi qöşilgandan söng 30 m3/s suv oqadi. Şahrixonsoyda boş taqsimlagiçi bölgan tösuvçi inşoot qurilgan. Marhamat qişloğidan 6 km yuqoriroqda Karkidon suv omboridan suv oladi (18 m3/s). Kanalda 3 tezoqar, 35 suv tuşirgiç, 52 quloq bor. 75,8 ming ga yerni suğoradi (25,2 ming ga Andijon viloyatida, 48 ming ga Farğona viloyatida, 2,6 ming ga Kirğizistonning Aravon tumanida).
Asl matn (kirill, PDF'dagidek)
ЖАНУБИЙ ФАРҒОНА КАНАЛИ - Фарғона водийсидаги йирик ирригация канали. Ўзбекистон ва Қирғизистон ҳудудидан ўтади. Олай тоғларидан оқиб тушадиган сойлар сувини тартибга солиш ва Фарғона водийсининг шарқий ва жан. қисмида сув таъминотини яхшилаш мақғсадида ҳашар йўли б-н қазилган (1940). Шаҳрихонсой каналининг (Қoрадарё чап соҳилида) йирик шохобчаси. Дастлаб Исфайрамсойдаги Бешолиш узoғлигигaча қазилган, кейинчалик Марғилонсойгача етказилди. 1946 й.да Олтиариқсойгача давом эттирилди. Уз. 120 км, эни бошланишида 12 м, қуйи қисмида 2 м. Бош қисмида сув сарфи 85 м-3/с. Полвонтош коллекторининг суви қўшилгандан сўнг 30 м3/с сув оқади. Шаҳрихонсойда бош тақсимлагичи бўлган тўсувчи иншоот қурилган. Марҳамат қишлоғидан 6 км юқорироқда Каркидон сув омборидан сув олади (18 м3/с). Каналда 3 тезоқар, 35 сув туширгич, 52 қулоқ бор. 75,8 минг га ерни суғоради (25,2 минг га Андижон вилоятида, 48 минг га Фарғона вилоятида, 2,6 минг га Кирғизистоннинг Аравон туманида).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.