Janubiy Surxon suv ombori
Manba: ÖzME, 3-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 85–86-b. — ziyouz.com
Janubiy Surxon suv ombori JANUBIY SURXON SUV OMBORI, Mirzaahmad Qoraboyev nomidagi Janubiy Surxon suv ombori — Özbekistondagi yirik suv ombori. Surxondaryo viloyati Qumqörğon tumani hududida, Surxondaryoning örta oqimida, Zarkamar va Xöjamulki töqayi örnida 1958—67 y.larda bunyod etilgan. Daryo havzasining eng tor yerida töğon qurilgan. Daryo suvini mavsumiy tartibga soladi. Uz. 20 km, maksimal eni 6,2 km, örtaça eni 2,96 km, maksimal çuqurligi 27 m, örtaça çuq. 12 m. Töla suv siğimi 800 mln. m3, foydali suv siğimi 610 mln. m3. Suv sathi yuzasi 65 km2. J. S. s. o. daryoning kayiri va uç terrasasida joylaşgan. Asosiy inşootlar tarkibiga tuproq töğon, ehtiyot taşlama va Şerobod magistral kanaliga suv beradigan öngqirğoq suv çiqargiç (suv sarfi 150 m3/s) kiradi. Suv ombori Şerobod çölidagi 71 mingga yerni özlaştiriş hamda ilgaridan suğoriladigan 52 mingga yerning suv ta'minotini yaxşilaş imkonini berdi. Suv omborida köpgina baliq turlari urçitib köpaytiriladi va ovlanadi. 1969 y.da J.s.s.o. qurilişga rahbarlik qilgan Mirzaahmad Qoraboyev (1931—1969) nomi berilgan.
Asl matn (kirill, PDF'dagidek)
ЖАНУБИЙ СУРХОН СУВ ОМБОРИ, Мирзааҳмад Қорабоев номидаги Жанубий Сурхон сув омбори — Ўзбекистондаги йирик сув омбори. Сурхондарё вилояти Қумқўрғон тумани ҳудудида, Сурхондарёнинг ўрта оқимида, Заркамар ва Хўжамулки тўқайи ўрнида 1958—67 й.ларда бунёд этилган. Дарё ҳавзасининг энг тор ерида тўғон қурилган. Дарё сувини мавсумий тартибга солади. Уз. 20 км, максимал эни 6,2 км, ўртача эни 2,96 км, максимал чуқурлиги 27 м, ўртача чуқ. 12 м. Тўла сув сиғими 800 млн. м3, фойдали сув сиғими 610 млн. м3. Сув сатҳи юзаси 65 км2. Ж. С. с. о. дарёнинг кайири ва уч террасасида жойлашган. Асосий иншоотлар таркибига тупроқ тўғон, эҳтиёт ташлама ва Шеробод магистрал каналига сув берадиган ўнгқирғоқ сув чиқаргич (сув сарфи 150 м3/с) киради. Сув омбори Шеробод чўлидаги 71 мингга ерни ўзлаштириш ҳамда илгаридан суғориладиган 52 мингга ернинг сув таъминотини яхшилаш имконини берди. Сув омборида кўпгина балиқ турлари урчитиб кўпайтирилади ва овланади. 1969 й.да Ж.с.с.о. қурилишга раҳбарлик қилган Мирзааҳмад Қорабоев (1931—1969) номи берилган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.