Jargon

Jargon (frans. jargon. — safsata) — biror ijtimoiy guruhning öziga xos leksikasi, fonetikasi va grammatikasi b-n umum sözlaşuv tili va mahalliy dialektlardan farq qiladigan tili. J. muayyan ijtimoiy muhitda yuzaga keladi va şular manfaatiga xizmat qiladi (maye, talabalar, harbiy xizmatçilar, turli kasb, maşğulot egalari orasidagi J.). Bunday J.larni kuçli rivojlangan va aniq terminlarga ega biror kasb tili b-n aralaştirmaslik lozim. J. ham leksik, ham uslubiy jihatdan turli-tuman, tezda özgaruvçan, barqaror bölmaydi. Mac, yoşlar orasida «ketdim» örnida «sirpandim», «pul» örnida «soqqa», «dollar» örnida «köki»; san'atkorlar orasida «xizmat uçun haq olmaslik» örnida «tom suvoq», «pul» örnida «yakan» va h. k. J.lar uçraydi. J. badiiy ijodda asar qahramoni xususiyati, tabiatini oçib beriş uçun xizmat qiladi. J.lar turli tillarda sözlaşuvçi xalqlar vakillarining bir-birlari b-n aloqa qilişida yoki turli xalq vakillari yiğiladigan joylar (maye, çegara, portlar)da ham paydo böladi. J.lar qaysi ijtimoiy guruh orasida yuzaga kelgan bölsa, deyarli faqat şu guruh vakillari uçun tuşunarli böladi, şu toifadagilarning vaziyat, şaroit taqozasiga köra boşqalardan yaşirin tutiladigan maqsadlariga xizmat qiladi.