Jazoni ijro etiş muassasasi
Manba: ÖzME, 3-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 28–29-b. — ziyouz.com
Jazoni ijro etiş muassasasi — sud hukmiga binoan belgilangan jazolarni ijro etuvçi muassasalar va organlar. Jazolarning turlariga qarab bu jazolarni ijro etuvçi organ va muassasalar bir-biridan farq qiladi. Özbekiston Respublikasi JIKga binoan, jarima tariqasidagi jazo sud tomonidan, ozodlikdan mahrum qiliş, qamoq, axloq tuzatiş işlari, ölim jazosi içki işlar organlari tomonidan ijro etiladi. Ozodlikdan mahrum qiliş — Içki işlar vazirligi qoşidagi jazolarni ijro etişning boş boşqarmasi taşkil qiladigan jazolarni ijro etiş koloniyalari, turma qamoği va tarbiya koloniyalari tomonidan, qamoq jazosi — qamoq uylari va tergov izolyatorlari tomonidan, axloq tuzatiş işlari — içki işlar organlarining inspeksiyalari tomonidan ijro etiladi. Axloq tuzatiş işlarini ijro etişda korxona va taşkilotlar ma'muriyati yordam beradi. Muayyan huquqdan mahrum qiliş töğrisidagi hukm talabi — mahkumning iş joyidagi ma'muriyat tomonidan, şuningdek, tegişli faoliyat turlari b-n şuğullanişga berilgan ruxsatnomani bekor qilişga vakolatli organlar tomonidan ijro etiladi. Harbiy xizmatçilarga nisbatan: xizmat böyiça çeklaş tariqasidagi jazo — ular xizmatni ötayotgan joydagi harbiy qismlar (muassasalar)ning qömondonligi tomonidan; qamoq tariqasidagi jazo — garnizon gaupvaxtalari tomonidan; intizomiy qismga jönatiş tariqasidagi jazo — maxsus taşkil etilgan harbiy qismlar tomonidan; harbiy yoki maxsus unvondan maxrum qiliş — mazkur unvonni bergan organ tomonidan ijro etiladi. Bundan taşqari tibbiy yösindagi majburlov çoralarini, şuningdek, voyaga yetmaganlarga nisbatan majburlov çoralarini qaysi muassasalar qay yösinda ijro etişi ham belgilab qöyilgan (Özbekiston Respublikasi JIK, 15-modda).
Bahrom Ahrorov.
Asl matn (kirill, PDF'dagidek)
ЖАЗОНИ ИЖРО ЭТИШ МУАССАСАСИ — суд ҳукмига биноан белгиланган жазоларни ижро этувчи муассасалар ва органлар. Жазоларнинг турларига қараб бу жазоларни ижро этувчи орган ва муассасалар бир-биридан фарқ қилади. Ўзбекистон Республикаси ЖИКга биноан, жарима тариқасидаги жазо суд томонидан, озодликдан маҳрум қилиш, қамоқ, ахлоқ тузатиш ишлари, ўлим жазоси ички ишлар органлари томонидан ижро этилади. Озодликдан маҳрум қилиш — Ички ишлар вазирлиги қошидаги жазоларни ижро этишнинг бош бошқармаси ташкил қиладиган жазоларни ижро этиш колониялари, турма қамоғи ва тарбия колониялари томонидан, қамоқ жазоси — қамоқ уйлари ва тергов изоляторлари томонидан, ахлоқ тузатиш ишлари — ички ишлар органларининг инспекциялари томонидан ижро этилади. Ахлоқ тузатиш ишларини ижро этишда корхона ва ташкилотлар маъмурияти ёрдам беради. Муайян ҳуқуқдан маҳрум қилиш тўғрисидаги ҳукм талаби — маҳкумнинг иш жойидаги маъмурият томонидан, шунингдек, тегишли фаолият турлари б-н шуғулланишга берилган рухсатномани бекор қилишга ваколатли органлар томонидан ижро этилади. Ҳарбий хизматчиларга нисбатан: хизмат бўйича чеклаш тариқасидаги жазо — улар хизматни ўтаётган жойдаги ҳарбий қисмлар (муассасалар)нинг қўмондонлиги томонидан; қамоқ тариқасидаги жазо — гарнизон гаупвахталари томонидан; интизомий қисмга жўнатиш тариқасидаги жазо — махсус ташкил этилган ҳарбий қисмлар томонидан; ҳарбий ёки махсус унвондан махрум қилиш — мазкур унвонни берган орган томонидан ижро этилади. Бундан ташқари тиббий йўсиндаги мажбурлов чораларини, шунингдек, вояга етмаганларга нисбатан мажбурлов чораларини қайси муассасалар қай йўсинда ижро этиши ҳам белгилаб қўйилган (Ўзбекистон Республикаси ЖИК, 15-модда).
Баҳром Аҳроров.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.