Jazoni oğirlaştiruvçi holatlar
Manba: ÖzME, 3-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 29-b. — ziyouz.com
Jazoni oğirlaştiruvçi holatlar — sodir etilgan jinoyatning va jinoyat sodir etgan şaxsning ijtimoiy xavflilik darajasini oşiruvçi hamda oğirroq jazo tayinlaşga asos böladigan holatlar. Özbekiston JK (56-modda)da J. o.h.ning qat'iy röyxati berilgan, sud jazo tayinlaş vaqtida mazkur moddada körsatilgan holatlardan boşqa holatlarni J.o.h. deb hisoblaşga hakli emas, lekin jinoyat xususiyatini e'tiborga olib, şu holatlarni J.o.h. deb topmasligi ham mumkin. J.o.h. jinoyat tarkibiga kiruvçi belgi bölmay, jinoyat tarkibidan taşqaridagi holat hisoblanadi. Şu sababli bunday holatlar jinoyatni kvalifikatsiya qilişga ta'sir etmaydi, balki aybdor qilmişi kvalifikatsiya qilingan moddada közda tutilgan jazoning oğirroq turini yoki köproq qismini tayinlaşga asos böladi.
Asl matn (kirill, PDF'dagidek)
ЖАЗОНИ ОҒИРЛАШТИРУВЧИ ҲОЛАТЛАР — содир этилган жиноятнинг ва жиноят содир этган шахснинг ижтимоий хавфлилик даражасини оширувчи ҳамда оғирроқ жазо тайинлашга асос бўладиган ҳолатлар. Ўзбекистон ЖК (56-модда)да Ж. о.ҳ.нинг қатъий рўйхати берилган, суд жазо тайинлаш вақтида мазкур моддада кўрсатилган ҳолатлардан бошқа ҳолатларни Ж.о.ҳ. деб ҳисоблашга ҳакли эмас, лекин жиноят хусусиятини эътиборга олиб, шу ҳолатларни Ж.о.ҳ. деб топмаслиги ҳам мумкин. Ж.о.ҳ. жиноят таркибига кирувчи белги бўлмай, жиноят таркибидан ташқаридаги ҳолат ҳисобланади. Шу сабабли бундай ҳолатлар жиноятни квалификация қилишга таъсир этмайди, балки айбдор қилмиши квалификация қилинган моддада кўзда тутилган жазонинг оғирроқ турини ёки кўпроқ қисмини тайинлашга асос бўлади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.