Jigariston surilmasi
Manba: ÖzME, 3-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 132-b. — ziyouz.com
Jigariston surilmasi - Toşkent viloyatining Angren tumani Jigariston qişloğidagi surilma. 1991 y. 4 mayda soat 6 dan 45 min. ötganda sodir bölgan. Jinslarning surilişi 1969 y.da hosil bölgan darzlik böyiça 170 ming m3 hajmda, 35—40° qiyalikda, 140 m balandlikda röy bergan. Darzlikning rivojlanişi bir neça yil davom etgan. Natijada u sirk şaklini olgan, yon çegaralari aniq körinişda bölib surilmaning yuqori qismi 0,5 m ga çökkan. 1-may kuni yuz bergan yer silkinişi, karyerdagi portlatiş va yomğir suvlarining surilma qatlami ostida töplanişi jarayonni tezlaştirgan. Suriliş nihoyatda tez sur'atda keçgan, natijada aholi orasida qurbonlar bölgan. Surilgan tuproqning qalinligi ba'zi joylarda 20 m ga yetgan. Jigariston qişloğining surilma ostida qolgan qismi şahidlar qabristoni deb nomlandi. Jigaristonlik bir qança oila boşpanasiz qoldi. Tabiiy ofatdan jabr körgan axoli uçun qisqa muddat içida davlat tomonidan xavfsiz joyda yangi Jigariston şaharçasi qurildi.
Asl matn (kirill, PDF'dagidek)
ЖИГАРИСТОН СУРИЛМАСИ - Тошкент вилоятининг Ангрен тумани Жигаристон қишлоғидаги сурилма. 1991 й. 4 майда соат 6 дан 45 мин. ўтганда содир бўлган. Жинсларнинг сурилиши 1969 й.да ҳосил бўлган дарзлик бўйича 170 минг м3 ҳажмда, 35—40° қияликда, 140 м баландликда рўй берган. Дарзликнинг ривожланиши бир неча йил давом этган. Натижада у цирк шаклини олган, ён чегаралари аниқ кўринишда бўлиб сурилманинг юқори қисми 0,5 м га чўккан. 1-май куни юз берган ер силкиниши, каръердаги портлатиш ва ёмғир сувларининг сурилма қатлами остида тўпланиши жараённи тезлаштирган. Сурилиш ниҳоятда тез суръатда кечган, натижада аҳоли орасида қурбонлар бўлган. Сурилган тупроқнинг қалинлиги баъзи жойларда 20 м га етган. Жигаристон қишлоғининг сурилма остида қолган қисми шаҳидлар қабристони деб номланди. Жигаристонлик бир қанча оила бошпанасиз қолди. Табиий офатдан жабр кўрган ахoли учун қисқа муддат ичида давлат томонидан хавфсиз жойда янги Жигаристон шаҳарчаси қурилди.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.