Jiğildon qaynaşi
Manba: ÖzME, 3-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 177-b. — ziyouz.com
Jiğildon qaynaşi JIĞILDON QAYNAŞI, me'da qaynaşi, zarda qaynaşi — töş ostida va qizilöngaç böylab açişiş sezgisi paydo bölişi, me'da suyuqliği aralaşgan ovqat qizilöngaçga çiqib, uning şilliq pardasiga ta'sir etişi J. q.ga sabab böladi. Odatda, me'da şirasida kislota köpayganda röy beradi. Qizilöngaç va me'da şilliq pardasining sezuvçanligi oşganda, me'da şirasidagi kislota miqdori özgarganda, dağal ovqat yeyilganda, me'dadan şira çiqişini kuçaytiradigan moddalar iste'mol qilinganda ham jiğildon qaynaydi. Gastrit, me'daiçak yarasi, xoletsistit, asabiy holatlar va b. kasalliklarda kuzatiladi.
J. q.da, albatta, vraç buyurgança davolaniş kerak, çunki turli dorilarni qadeb palapartiş içaveriş me'da va qizilöngaç şilliq pardasiga yomon ta'sir etişi mumkin. Jiğildon qaynaganda sabzi yeyiş yoki uning suvini içiş va gazi çiqarilgan Toşkent mineral suvini içiş yaxşi naf beradi. Asosiysi J. q.ga sabab bölgan kasallikni davolaş lozim.
Asl matn (kirill, PDF'dagidek)
ЖИҒИЛДОН ҚАЙНАШИ, меъда қайнаши, зарда қайнаши — тўш остида ва қизилўнгач бўйлаб ачишиш сезгиси пайдо бўлиши, меъда суюқлиғи аралашган овқат қизилўнгачга чиқиб, унинг шиллиқ пардасига таъсир этиши Ж. қ.га сабаб бўлади. Одатда, меъда ширасида кислота кўпайганда рўй беради. Қизилўнгач ва меъда шиллиқ пардасининг сезувчанлиги ошганда, меъда ширасидаги кислота миқдори ўзгарганда, дағал овқат ейилганда, меъдадан шира чиқишини кучайтирадиган моддалар истеъмол қилинганда ҳам жиғилдон қайнайди. Гастрит, меъдаичак яраси, холецистит, асабий ҳолатлар ва б. касалликларда кузатилади.
Ж. қ.да, албатта, врач буюрганча даволаниш керак, чунки турли дориларни қадеб палапартиш ичавериш меъда ва қизилўнгач шиллиқ пардасига ёмон таъсир этиши мумкин. Жиғилдон қайнаганда сабзи ейиш ёки унинг сувини ичиш ва гази чиқарилган Тошкент минерал сувини ичиш яхши наф беради. Асосийси Ж. қ.га сабаб бўлган касалликни даволаш лозим.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.