Jinoyat işini qözğatiş
Manba: ÖzME, 3-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 155-b. — ziyouz.com
Jinoyat işini qözğatiş - jinoyat sodir etilgan yoki jinoyatga tayyorgarlik haqida berilgan xabar va ariza yuzasidan prokuror, tergovçi, suriştiruvçi yoki sudyaning dastlabki harakati. Ular sodir etilgan jinoyat haqidagi ariza yoki xabar yuzasidan 3 kun, alohida hollarda esa 10 kun içida J. i. q. yoki uni rad qiliş, ariza yoki xabarni boşqa tegişli idoraga yuboriş töğrisida bir qarorga kelişga majbur. Jinoyat işi jinoyat alomatlari borligini körsatuvçi asoslar mavjud hollardagina qözğatiladi. Fuqarolarning arizalari, muassasa, korxona, taşkilot, mansabdor şaxs va jamoat birlaşmalari bergan xabarlar, matbuotda bosilib çiqqan axborot yoki maqola, şaxsning aybni böyniga oliş haqidagi arzi, jinoyat qilganligini körsatuvçi holatlarning prokuror, tergovçi, suriştiruvçi yoki sudning özi tomonidan topilişi J. i. q. uçun asos böladi. Şaxslarning jinoyat töğrisidagi arizalari yozma yoki oğzaki bölişi mumkin. Yozma ariza arz qiluvçi şaxs tomonidan imzolangan bölişi lozim. Jinoyat haqidagi imzosiz, qalbaki imzoli yoki uydirma şaxs nomidan yozilgan xat, ariza yoki boşqa anonim xabarlar jinoyat işini qözğatiş uçun sabab böla olmaydi (ÖzR JPK, 321—338-moddalar).
Asl matn (kirill, PDF'dagidek)
ЖИНОЯТ ИШИНИ ҚЎЗҒАТИШ - жиноят содир этилган ёки жиноятга тайёргарлик ҳақида берилган хабар ва ариза юзасидан прокурор, терговчи, суриштирувчи ёки судьянинг дастлабки ҳаракати. Улар содир этилган жиноят ҳақидаги ариза ёки хабар юзасидан 3 кун, алоҳида ҳолларда эса 10 кун ичида Ж. и. қ. ёки уни рад қилиш, ариза ёки хабарни бошқа тегишли идорага юбориш тўғрисида бир қарорга келишга мажбур. Жиноят иши жиноят аломатлари борлигини кўрсатувчи асослар мавжуд ҳоллардагина қўзғатилади. Фуқароларнинг аризалари, муассаса, корхона, ташкилот, мансабдор шахc ва жамоат бирлашмалари берган хабарлар, матбуотда босилиб чиққан ахборот ёки мақола, шахснинг айбни бўйнига олиш ҳақидаги арзи, жиноят қилганлигини кўрсатувчи ҳолатларнинг прокурор, терговчи, суриштирувчи ёки суднинг ўзи томонидан топилиши Ж. и. қ. учун асос бўлади. Шахсларнинг жиноят тўғрисидаги аризалари ёзма ёки оғзаки бўлиши мумкин. Ёзма ариза арз қилувчи шахc томонидан имзоланган бўлиши лозим. Жиноят ҳақидаги имзосиз, қалбаки имзоли ёки уйдирма шахc номидан ёзилган хат, ариза ёки бошқа аноним хабарлар жиноят ишини қўзғатиш учун сабаб бўла олмайди (ЎзР ЖПК, 321—338-моддалар).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.