Jinoyat protsessual kodeksi
Manba: ÖzME, 3-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 156-b. — ziyouz.com
Jinoyat protsessual kodeksi (JPK) — jinoyat işi yuzasidan tergov qiliş va işni sudda köriş tartibini belgilaydigan qonunlarning muayyan tizimga solingan majmui. JPK suriştiruv, dastlabki tergov organlari, prokuror va sudning jinoyat işini qözğatişdan boşlab, sudda körilib hal qilingungaça bölgan faoliyatini, tergov, sud harakatlarini ötkaziş, dalil yiğiş, protsessual muxlatlar, jinoyat işini qözğatiş, rad etiş, uni tugatiş va töxtatiş, aybdorni sudga berişni, şuningdek, işni apellyatsiya, kassatsiya, nazorat tartibida va yangi oçilgan holatlar böyiça qaytadan körişni xamda hukm ijrosiga oid masalalarni tartibga soladi. Özbekiston Respublikasi JPK 1994 y. 22 sent.da qabul qilingan. Unda jinoyat işini tekşirişda fuqarolarning, jamoatçilik, korxona, muassasa va taşkilot vakillarining qatnaşuvi va protsessual huquqlari ham bayon qilingan. JPK normalari jinoyatni tez va töla oçiş, haqiqatni aniqlaş, aybdorni odilona jazolaş uçun xizmat qiladi. Kodeksning oxirgi boblari alohida tartibda yurgiziladigan, jumladan voyaga yetmaganlarning jinoyatlari haqidagi va tibbiy yösindagi majburlov çoralarini qöllaş töğrisidagi işlarga bağişlangan.
Asl matn (kirill, PDF'dagidek)
ЖИНОЯТ ПРОЦЕССУАЛ КОДЕКСИ (ЖПК) — жиноят иши юзасидан тергов қилиш ва ишни судда кўриш тартибини белгилайдиган қoнунларнинг муайян тизимга солинган мажмуи. ЖПК суриштирув, дастлабки тергов органлари, прокурор ва суднинг жиноят ишини қўзғатишдан бошлаб, судда кўрилиб ҳал қилингунгача бўлган фаолиятини, тергов, суд ҳаракатларини ўтказиш, далил йиғиш, процессуал мухлатлар, жиноят ишини қўзғатиш, рад этиш, уни тугатиш ва тўхтатиш, айбдорни судга беришни, шунингдек, ишни апелляция, кассация, назорат тартибида ва янги очилган ҳолатлар бўйича қайтадан кўришни хамда ҳукм ижросига оид масалаларни тартибга солади. Ўзбекистон Республикаси ЖПК 1994 й. 22 сент.да қабул қилинган. Унда жиноят ишини текширишда фуқароларнинг, жамоатчилик, корхона, муассаса ва ташкилот вакилларининг қатнашуви ва процессуал ҳуқуқлари ҳам баён қилинган. ЖПК нормалари жиноятни тез ва тўла очиш, ҳақиқатни аниқлаш, айбдорни одилона жазолаш учун хизмат қилади. Кодекснинг охирги боблари алоҳида тартибда юргизиладиган, жумладан вояга етмаганларнинг жиноятлари ҳақидаги ва тиббий йўсиндаги мажбурлов чораларини қўллаш тўғрисидаги ишларга бағишланган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.