Jinoyatda iştirokçilik
Manba: ÖzME, 3-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 157–158-b. — ziyouz.com
Jinoyatda iştirokçilik - ikki yoki undan ortiq şaxsning qasddan jinoyat sodir etişda birgalaşib qatnaşişi. J. i.ning bajaruvçi, taşkilotçi, dalolatçi, yordamçi kabi turlari bor. Jinoyatni bevosita sodir etgan şaxs — bajaruvçi, jinoyatga tayyorgarlik körilişiga yoki jinoyat sodir etilişiga rahbarlik qilgan şaxs — taşkilotçi, jinoyat sodir etilişiga qiziqtiruvçi şaxs — dalolatçi, jinoyat sodir etilişiga kömaklaşgan, şuningdek, jinoyatçini jinoyat sodir etiş quroli, izlari va vositalarini yoxud jinoiy yöl b-n qölga kiritilgan narsalarni yaşirişga, şuningdek, bunday narsalarni oliş va ötkaziş töğrisida oldindan va'da bergan şaxs — yordamçi hisoblanadi. J. i. oddiy iştirokçilik, murakkab iştirokçilik, uyuşgan guruh, jinoiy uyuşma şaklida böladi, 2 yoki undan ortiq şaxsning oldindan til biriktirmay jinoyat sodir etişda qatnaşişi — oddiy iştirokçilik, oldindan til biriktirib jinoyat sodir etilişida iştirok etişi — murakkab iştirokçilik deb topiladi. Iştirokçilik nafaqat tugallangan jinoyatda, balki şu b-n birga jinoyatga tayyorgarlikda va jinoyat qilişga qasd etişda ham namoyon böladi. Özbekiston Respublikasi JKda jinoyatda iştirok etganlik uçun javobgarlik doirasi, J. i.ning şakllari uçun qöllaniladigan jazo belgilab berilgan.
Asl matn (kirill, PDF'dagidek)
ЖИНОЯТДА ИШТИРОКЧИЛИК - икки ёки ундан ортиқ шахснинг қасддан жиноят содир этишда биргалашиб қатнашиши. Ж. и.нинг бажарувчи, ташкилотчи, далолатчи, ёрдамчи каби турлари бор. Жиноятни бевосита содир этган шахc — бажарувчи, жиноятга тайёргарлик кўрилишига ёки жиноят содир этилишига раҳбарлик қилган шахc — ташкилотчи, жиноят содир этилишига қизиқтирувчи шахc — далолатчи, жиноят содир этилишига кўмаклашган, шунингдек, жиноятчини жиноят содир этиш қуроли, излари ва воситаларини ёхуд жиноий йўл б-н қўлга киритилган нарсаларни яширишга, шунингдек, бундай нарсаларни олиш ва ўтказиш тўғрисида олдиндан ваъда берган шахc — ёрдамчи ҳисобланади. Ж. и. оддий иштирокчилик, мураккаб иштирокчилик, уюшган гуруҳ, жиноий уюшма шаклида бўлади, 2 ёки ундан ортиқ шахснинг олдиндан тил бириктирмай жиноят содир этишда қатнашиши — оддий иштирокчилик, олдиндан тил бириктириб жиноят содир этилишида иштирок этиши — мураккаб иштирокчилик деб топилади. Иштирокчилик нафақат тугалланган жиноятда, балки шу б-н бирга жиноятга тайёргарликда ва жиноят қилишга қасд этишда ҳам намоён бўлади. Ўзбекистoн Республикаси ЖКда жиноятда иштирок этганлик учун жавобгарлик доираси, Ж. и.нинг шакллари учун қўлланиладиган жазо белгилаб берилган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.