Jonatan
Manba: ÖzME, 3-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 188–189-b. — ziyouz.com
Jonatan — keçpişar olma navi. Amerikadan keltirilgan. Jahon sortimentidagi asosiy navlardan biri. Daraxti örta böyli, şox-şabbasi keng. Köçati ötqazilgaç, 5-yili hosilga kiradi. Apr.ning örtalarida gullaydi. Mevasi örtaça (100—120 g), yumaloqçöziq, sirti tekis, oç qizil rangda. Eti sarğiş, şirin, serşira, xuşböy. Tarkibida 16,9% quruq modda, 12,2% qand, 0,5% kislota, 6,8 mg% vitamin S mavjud. Mevasi avg. oxirida yetiladi, noyab. oxiri — dek. boşlarigaça yaxşi saqlanadi. Töliq hosilga kirganda tupidan 150—200 kg hosil olinadi. Sovuqqa çidamli. Unumdor tuproqlarda va yaxşi parvariş qilinganda möl hosil beradi. Ayrim vaqtlarda mevasi saqlanganda doğlar hosil bölib, mazasi, körinişi özgaradi. Daraxti unşudring b-n kasallanadi. 1963 y.dan Özbekistonning barça viloyatlari uçun r-nlaştirilgan.
Asl matn (kirill, PDF'dagidek)
ЖОНАТАН — кечпишар олма нави. Америкадан келтирилган. Жаҳон сортиментидаги асосий навлардан бири. Дарахти ўрта бўйли, шох-шаббаси кенг. Кўчати ўтқазилгач, 5-йили ҳосилга киради. Апр.нинг ўрталарида гуллайди. Меваси ўртача (100—120 г), юмалоқчўзиқ, сирти текис, оч қизил рангда. Эти сарғиш, ширин, сершира, хушбўй. Таркибида 16,9% қуруқ модда, 12,2% қанд, 0,5% кислота, 6,8 мг% витамин С мавжуд. Меваси авг. охирида етилади, нояб. охири — дек. бошларигача яхши сақланади. Тўлиқ ҳосилга кирганда тупидан 150—200 кг ҳосил олинади. Совуққа чидамли. Унумдор тупроқларда ва яхши парвариш қилинганда мўл ҳосил беради. Айрим вақтларда меваси сақланганда доғлар ҳосил бўлиб, мазаси, кўриниши ўзгаради. Дарахти уншудринг б-н касалланади. 1963 й.дан Ўзбекистоннинг барча вилоятлари учун р-нлаштирилган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.