Jöraxon Yusupov
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 61–62-b. — ziyouz.com
Yusupov Jöraxon (1905 Şahrixon — 1994.30.5) — xonanda, sozanda (ğijjak, skripka). Özbekiston xalq hofizi (1940). Baland, keng diapazonli, şirali ovoz sohibi. Katta aşula yöllarini va sozandalikni Madraim qori, Nurulla qori, Abdurahim qori, Karim oxunlardan özlaştirib, keyinçalik ular bilan hamnafaslik qilgan. Katta Farğona kanali, Farhod GRESi va boşqalar qurilişlarda, xalq sayili va bayramlarda madaniy xizmat qilgan. 2-jahon uruşi qatnaşçisi (1941—42). Yangiyöl teatrida xonanda (1943—44). Şahrixonda katta aşula ijro mahorati maktabiga asos solib, Odiljon Yusupov, N.Saidnazarov, E.Yusupov, I.Oxunov va boşqalar hofizlarga ustozlik qilgan. Ijro uslubiga ravonlik, keng nafas, ta'sirçanlik xosdir (şu bois, Jörafason taxallusini olgan). Repertuaridan katta aşula («Ohkim», «Doğman», «Bir kelsun», «Ey dilbari jonon», «Judo qilma» va boşqalar), mumtoz aşula va Farğona — Toşkent maqom yöllari («Bayot», «Çorgoh», «Segoh», «Dugoh» va boşqalar) örin olgan. Köpgina xalq ijodiyoti festival va tanlovlarining sovrindori.
Asl matn (kirill, PDF'dagidek)
ЮСУПОВ Жўрахон (1905 Шаҳрихон — 1994.30.5) — хонанда, созанда (ғижжак, скрипка). Ўзбекистон халқ ҳофизи (1940). Баланд, кенг диапазонли, ширали овоз соҳиби. Катта ашула йўлларини ва созандаликни Мадраим қори, Нурулла қори, Абдураҳим қори, Карим охунлардан ўзлаштириб, кейинчалик улар билан ҳамнафаслик қилган. Катта Фарғона канали, Фарҳод ГРЭСи ва бошқалар қурилишларда, халқ сайили ва байрамларда маданий хизмат қилган. 2-жаҳон уруши қатнашчиси (1941—42). Янгийўл театрида хонанда (1943—44). Шаҳрихонда катта ашула ижро маҳорати мактабига асос солиб, Одилжон Юсупов, Н.Саидназаров, Э.Юсупов, И.Охунов ва бошқалар ҳофизларга устозлик қилган. Ижро услубига равонлик, кенг нафас, таъсирчанлик хосдир (шу боис, Жўрафасон тахаллусини олган). Репертуаридан катта ашула («Оҳким», «Доғман», «Бир келсун», «Эй дилбари жонон», «Жудо қилма» ва бошқалар), мумтоз ашула ва Фарғона — Тошкент мақом йўллари («Баёт», «Чоргоҳ», «Сегоҳ», «Дугоҳ» ва бошқалар) ўрин олган. Кўпгина халқ ижодиёти фестиваль ва танловларининг совриндори.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.