Jorj Simenon
Manba: ÖzME, 7-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 365-b. — ziyouz.com
Simenon Jorj SIMENON (Simenon) Jorj (1903. 13.2, Lyej — 1989) — fransuz yozuvçisi. Belgiya qirollik akademiyasi a'zosi (1952 y.dan). 1921 y.da Jorj Sim taxallusi b-n «Arkali köprik» dastlabki romanini e'lon qilgan. 1931 y.da «Piterlatiş» romani bosilgan. Politsiya komissari Megrening sarguzaştlari haqidagi «Megrening yozişmalari» (1950), «Megre sayohat qiladi» (1958), «Megre va daydi» (1963), «Megre ikkilanmoqda» (1968), «Megre va Şarl» (1972) turkum romanlari çop etila boşlagan. Mazkur romanlar detektiv syujeti b-ngina emas, balki, birinçi navbatda, inson xarakterining badiiy tadqiqi, jinoyatni keltirib çiqaruvçi sabablarni oçişi b-n ahamiyatlidir. S. bu romanlari b-n jahon detektivsarguzaşt adabiyotining maşhur vakillari qatoridan örin olgan. S. komissar Megre haqidagi romanlaridan taşqari, «Bir qaşşoq hayotining tört kuni» (1949), «Prezident» (1958), «Qamoqxona» (1968) singari ijtimoiypsixologik, mustamlakaçilik siyosati va faşizm mafkurasini qoralovçi «Oy zarbasi» (1933), «Habaşlar mahallasi» (1935), «Qor ustida ğubor» (1948), «Akauka Rikolar» (1952) romanlarini yozgan. S, şuningdek, avtobiografik «Xotirlayman» (1945), «Ibtido» (1948), «Onamga xat» (1974) va b. kitoblar muallifi. S. asarlari jahondagi köplab tillarga tarjima qilingan.
As: Pervoye delo Megre [romani, povesti, rasskazi], M., 1968.
Ad.: Şrayber E. L., Jorj Simenon, L., 1983.
Asl matn (kirill, PDF'dagidek)
СИМЕНОН (Simenon) Жорж (1903. 13.2, Льеж — 1989) — француз ёзувчиси. Бельгия қироллик академияси аъзоси (1952 й.дан). 1921 й.да Жорж Сим тахаллуси б-н «Аркали кўприк» дастлабки романини эълон қилган. 1931 й.да «Питерлатиш» романи босилган. Полиция комиссари Мегрэнинг саргузаштлари ҳақидаги «Мегрэнинг ёзишмалари» (1950), «Мегрэ саёҳат қилади» (1958), «Мегрэ ва дайди» (1963), «Мегрэ иккиланмоқда» (1968), «Мегрэ ва Шарль» (1972) туркум романлари чоп этила бошлаган. Мазкур романлар детектив сюжети б-нгина эмас, балки, биринчи навбатда, инсон характерининг бадиий тадқиқи, жиноятни келтириб чиқарувчи сабабларни очиши б-н аҳамиятлидир. С. бу романлари б-н жаҳон детективсаргузашт адабиётининг машҳур вакиллари қаторидан ўрин олган. С. комиссар Мэгрэ ҳақидаги романларидан ташқари, «Бир қашшоқ ҳаётининг тўрт куни» (1949), «Президент» (1958), «Қамоқхона» (1968) сингари ижтимоийпсихологик, мустамлакачилик сиёсати ва фашизм мафкурасини қораловчи «Ой зарбаси» (1933), «Ҳабашлар маҳалласи» (1935), «Қор устида ғубор» (1948), «Акаука Риколар» (1952) романларини ёзган. С, шунингдек, автобиографик «Хотирлайман» (1945), «Ибтидо» (1948), «Онамга хат» (1974) ва б. китоблар муаллифи. С. асарлари жаҳондаги кўплаб тилларга таржима қилинган.
Ас: Первое дело Мегрэ [романы, повести, рассказы], М., 1968.
Ад.: Шрайбер Э. Л., Жорж Сименон, Л., 1983.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.