Jubba
Manba: ÖzME, 3-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 199-b. — ziyouz.com
Jubba JUBBA, jiba, jeva — 1) Örta Osiyo va Şarq armiyasida jangçini yoy öqi, qiliç va nayzadan saqlaş uçun simdan töqilgan maxsus harbiy kiyim. J., asosan, jang paytlarida kiyilgan. 1,5—2 mm diametrdagi temir simlarni qalin tör singari töqib, köylak va kalta şim şaklida tayyorlangan. J. ilk örta asrlarda keng tarqalgan. J. oğir bölsa ham, jangçining gavdasini ixçam tutib, unga xalaqit bermagan. Jangçi J. b-n birgalikda yelka, bilak va kökrakni himoya qiliş uçun «çor oyna» deb atalgan pölat taxtaçalar taqib, qalqon b-n özini himoya qilgan. 15—16-a.larda miltiq asosiy uruş quroliga aylana boşlaşi b-n
Jubba kiygan askar (örta asrlar).
J.ga ehtiyoj qolmagan; 2) avra-astarli, içiga paxta solib qavilgan keng va uzun maxsus çopon. Köpinça qalandarlar, şayxlar kiygan. J.ning möyna va teridan qilingan turlari ham bölgan; 3) bolalar va erkaklarning paxtali içki kiyimi (guppi). Ixçam hajmda, gavdaga yopişib turadigan qilib tayyorlanadi, şuning uçun 2 yon tomonida 28—30 sm yirtmoçi böladi. J. 3 qavatli: astar va avra orasiga paxta yoki tuya juni solinib, siyrak çoklar b-n köndalangiga qaviladi. Yon tomonidan orasi yaqin (5—6 sm) qilib qator tugmalar taqiladi.
Asl matn (kirill, PDF'dagidek)
ЖУББА, жиба, жева — 1) Ўрта Осиё ва Шарқ армиясида жангчини ёй ўқи, қилич ва найзадан сақлаш учун симдан тўқилган махсус ҳарбий кийим. Ж., асосан, жанг пайтларида кийилган. 1,5—2 мм диаметрдаги темир симларни қалин тўр сингари тўқиб, кўйлак ва калта шим шаклида тайёрланган. Ж. илк ўрта асрларда кенг тарқалган. Ж. оғир бўлса ҳам, жангчининг гавдасини ихчам тутиб, унга халақит бермаган. Жангчи Ж. б-н биргаликда елка, билак ва кўкракни ҳимоя қилиш учун «чор ойна» деб аталган пўлат тахтачалар тақиб, қалқон б-н ўзини ҳимоя қилган. 15—16-а.ларда милтиқ асосий уруш қуролига айлана бошлаши б-н
Жубба кийган аскар (ўрта асрлар).
Ж.га эҳтиёж қолмаган; 2) авра-астарли, ичига пахта солиб қавилган кенг ва узун махсус чопон. Кўпинча қаландарлар, шайхлар кийган. Ж.нинг мўйна ва теридан қилинган турлари ҳам бўлган; 3) болалар ва эркакларнинг пахтали ички кийими (гуппи). Ихчам ҳажмда, гавдага ёпишиб турадиган қилиб тайёрланади, шунинг учун 2 ён томонида 28—30 см йиртмочи бўлади. Ж. 3 қаватли: астар ва авра орасига пахта ёки туя жуни солиниб, сийрак чоклар б-н кўндалангига қавилади. Ён томонидан ораси яқин (5—6 см) қилиб қатор тугмалар тақилади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.