Jubron
Manba: ÖzME, 3-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 199–200-b. — ziyouz.com
Jubron JUBRON, Xalil Jubron (1883.6.1, Livan, Bşirro qişloği — 1931) — arab yozuvçisi, faylasuf, rassom. Arab, ingliz tillarida ijod qilgan. Ilk ijodi romantik ruhda («Halil-Kofir», «Isyonkor ruhlar» hikoyalar töplamlari). «Singan qanotlar» (1912) qissasi maşhur. «Köz yoşlari va tabassum» (1914) töplami 60 ga yaqin saj (qofiyalangan nasr) b-n yozilgan kiçik şe'riy parçalardan iborat bölib, unga «Mening tuğilgan kunim», «Şoir avlodi» kabi romantik asarlari kiritilgan. «Namoyişkorona yuriş» (1918) falsafiy-şe'riy asari yozuvçi dunyoqaraşini aks ettirsa, «Böron» (1920) töplamida hayotda uçraydigan loqaydlik, boqimandalik, ikkiyuzlamaçilik (munofiqlik) kabi illatlar tanqid qilinadi. «Aqldan ozgan» (1918), «Oldinda yuruvçi» (1920), «Payğambar» (1923), «Qum va köpik» (1926), «Iso — inson öğli» (1928), «Yer xudolari» va b. asarlari Ğarb kitobxonlariga möljallangan. J. ijodida öz falsafiy qaraşlarini tarğib qilişga harakat qilgan. Uningça, faqat ma'naviyat eng yuksak qadriyat namunasi böla oladi va ruhning buyukligini aks ettiradi. YUNESKO qarori b-n 1983 y.da butun jahonda J. tavalludining 100 yilligi nişonlangan.
Asl matn (kirill, PDF'dagidek)
ЖУБРОН, Халил Жуброн (1883.6.1, Ливан, Бширро қишлоғи — 1931) — араб ёзувчиси, файласуф, рассом. Араб, инглиз тилларида ижод қилган. Илк ижоди романтик руҳда («Ҳалил-Кофир», «Исёнкор руҳлар» ҳикоялар тўпламлари). «Синган қанотлар» (1912) қиссаси машҳур. «Кўз ёшлари ва табассум» (1914) тўплами 60 га яқин саж (қофияланган наср) б-н ёзилган кичик шеърий парчалардан иборат бўлиб, унга «Менинг туғилган куним», «Шоир авлоди» каби романтик асарлари киритилган. «Намойишкорона юриш» (1918) фалсафий-шеърий асари ёзувчи дунёқарашини акс эттирса, «Бўрон» (1920) тўпламида ҳаётда учрайдиган лоқайдлик, боқимандалик, иккиюзламачилик (мунофиқлик) каби иллатлар танқид қилинади. «Ақлдан озган» (1918), «Олдинда юрувчи» (1920), «Пайғамбар» (1923), «Қум ва кўпик» (1926), «Исо — инсон ўғли» (1928), «Ер худолари» ва б. асарлари Ғарб китобхонларига мўлжалланган. Ж. ижодида ўз фалсафий қарашларини тарғиб қилишга ҳаракат қилган. Унингча, фақат маънавият энг юксак қадрият намунаси бўла олади ва руҳнинг буюклигини акс эттиради. ЮНЕСКО қарори б-н 1983 й.да бутун жаҳонда Ж. таваллудининг 100 йиллиги нишонланган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.