Kadastr
Manba: ÖzME, 4-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 19-b. — ziyouz.com
Kadastr (frans. cadastre) — muayyan obyektlar töğrisida tartiblaştirilgan aniq, va zaruriy ma'lumotlar majmui, röyxati, reyestri (mas, yer kadastri, suv kadastri kabilar). Rasmiy davlat organi yoki muassasasi tomonidan tuziladi va yuritiladi. Boşqa davlatlardagi kabi Özbekiston Respublikasida tabiat resurslari, noyob ösimlik va hayvonlar K.lari ham bor (mas, 1960—2001 y.larda Jizzax viloyati Zomin tekisligida ötkazilgan 40 yillik K. tadqiqotlari 1965 y.da 1 m2 maydonda urğoçi qoraqurtning örtaça ziçligi 2,5 dona bölganligini, 2001 y.da bu körsatkiç 0,05 donani taşkil etganligini körsatdi, insonning tabiatga salbiy ta'siri oqibatida qoraqurt soni kamayib ketganligi aniqlandi). Özbekiston Respublikasida davlat K.lari yagona tizimiga kiruvçi davlat va tarmoq tabiat resurslari K.larini tuziş va yuritiş Özbekiston Respublikasining «Davlat kadastrlari töğrisida» qonuni (2000 y. 15 dek.)ga muvofiq olib boriladi.
Asl matn (kirill, PDF'dagidek)
КАДАСТР (франц. cadastre) — муайян объектлар тўғрисида тартиблаштирилган аниқ, ва зарурий маълумотлар мажмуи, рўйхати, реестри (мас, ер кадастри, сув кадастри кабилар). Расмий давлат органи ёки муассасаси томонидан тузилади ва юритилади. Бошқа давлатлардаги каби Ўзбекистон Республикасида табиат ресурслари, ноёб ўсимлик ва ҳайвонлар К.лари ҳам бор (мас, 1960—2001 й.ларда Жиззах вилояти Зомин текислигида ўтказилган 40 йиллик К. тадқиқотлари 1965 й.да 1 м2 майдонда урғочи қорақуртнинг ўртача зичлиги 2,5 дона бўлганлигини, 2001 й.да бу кўрсаткич 0,05 донани ташкил этганлигини кўрсатди, инсоннинг табиатга салбий таъсири оқибатида қорақурт сони камайиб кетганлиги аниқланди). Ўзбекистон Республикасида давлат К.лари ягона тизимига кирувчи давлат ва тармоқ табиат ресурслари К.ларини тузиш ва юритиш Ўзбекистон Республикасининг «Давлат кадастрлари тўғрисида» қонуни (2000 й. 15 дек.)га мувофиқ олиб борилади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.