«Kafolat» suğurta kompaniyasi
Manba: ÖzME, 4-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 256-b. — ziyouz.com
«Kafolat» suğurta kompaniyasi — Özbekistondagi ixtisoslaştirilgan davlat-aksiyadorlik suğurta kompaniyasi. ÖzR Vazirlar Mahkamasining 1997 y. 14 martdagi qaroriga köra oçiq aksiyadorlik jamiyati şaklida taşkil etilgan. Boşqaruv direksiyasi Toşkent ş.da. Respublikaning barça viloyatlari markazlari, Qoraqalpoğiston Respublikasi va Toşkent ş.da
14 filiali, respublika şaharlarida 56 bölimi faoliyat körsatadi.
Bankning asosiy aksiyadorlari Özbekiston Respublikasi Moliya vazirligi (hissasi 8,33%), «Özagrosuğurta» davlat-aksiyadorlik kompaniyasi (50%), «Özbekinvest» eksport-import milliy investitsiya kompaniyasi (8,33%), «Asakabank» (1,64%), «Ipak nuri» banki (1,67%) va b. Aksiyalarning 30% oçiq sotuvda joylaştirilgan. Respublikada 30 dan ortiq turdagi suğurta xizmatlari körsatadi, jumladan, aholi va mulkçilikning barça şakllaridagi korxonalar mulkini; garovga qöyilgan mulkni; fuqarolarning imoratlarini va uy mulki, ularning xöjaliklaridagi uy hayvonlarini; jismoniy va yuridik şaxslarning transport vositalarini; yuklarni; havo, temir yöl, içki suv va avtomobil transporti yölovçilarini; fuqarolar hayoti va salomatligini; sportçilarni yiğinlar va musobaqalar davrida; birja brokerlari; notariuslarning kasb mas'uliyatini va b.ni suğurtalaşni olib boradi. Kompaniyaning ustav kapitali (mln. söm) 600, javobgarlik hajmi summasi 150784,9, suğurta mukofotlari summasi 1089,9, tölangan qoplamalar hajmi 70,0 (2001).
Şerali Imomov.
Asl matn (kirill, PDF'dagidek)
«КАФОЛАТ» СУҒУРТА КОМПАНИЯСИ — Ўзбекистондаги ихтисослаштирилган давлат-акциядорлик суғурта компанияси. ЎзР Вазирлар Маҳкамасининг 1997 й. 14 мартдаги қарорига кўра очиқ акциядорлик жамияти шаклида ташкил этилган. Бошқарув дирекцияси Тошкент ш.да. Республиканинг барча вилоятлари марказлари, Қорақалпоғистон Республикаси ва Тошкент ш.да
14 филиали, республика шаҳарларида 56 бўлими фаолият кўрсатади.
Банкнинг асосий акциядорлари Ўзбекистон Республикаси Молия вазирлиги (ҳиссаси 8,33%), «Ўзагросуғурта» давлат-акциядорлик компанияси (50%), «Ўзбекинвест» экспорт-импорт миллий инвестиция компанияси (8,33%), «Асакабанк» (1,64%), «Ипак нури» банки (1,67%) ва б. Акцияларнинг 30% очиқ сотувда жойлаштирилган. Республикада 30 дан ортиқ турдаги суғурта хизматлари кўрсатади, жумладан, аҳоли ва мулкчиликнинг барча шаклларидаги корхоналар мулкини; гаровга қўйилган мулкни; фуқароларнинг иморатларини ва уй мулки, уларнинг хўжаликларидаги уй ҳайвонларини; жисмоний ва юридик шахсларнинг транспорт воситаларини; юкларни; ҳаво, темир йўл, ички сув ва автомобиль транспорти йўловчиларини; фуқаролар ҳаёти ва саломатлигини; спортчиларни йиғинлар ва мусобақалар даврида; биржа брокерлари; нотариусларнинг касб масъулиятини ва б.ни суғурталашни олиб боради. Компаниянинг устав капитали (млн. сўм) 600, жавобгарлик ҳажми суммаси 150784,9, суғурта мукофотлари суммаси 1089,9, тўланган қопламалар ҳажми 70,0 (2001).
Шерали Имомов.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.