Kamoliddin Behzod nomidagi Özbekiston Respublikasi davlat mukofoti
Manba: ÖzME, 4-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 87-b. — ziyouz.com
Kamoliddin Behzod nomidagi Özbekiston Respublikasi davlat mukofoti - adabiyot, san'at va me'morlik sohasidagi davlat mukofotlaridan biri. 1997 y. 23 yanv. da ta'sis etilgan. Şarq uyğoniş davri yetuk san'atkori, buyuk miniatyuraçi musavvir Kamoliddin Behzod nomi b-n yuritiladi. Mukofot tasviriy va amaliy san'at, xalq hunarmandçiligi sohasida yaratilgan, milliy istiqlol ğoyalarini yorqin badiiy şakllarda aks ettirgan, Özbekistonning buyuk tarixini va hoz. yuksaliş jarayonlarini haqqoniy obrazlar orqali gavdalantirgan va keng jamoatçilik tomonidan tan olingan yetuk san'at asarlari uçun beriladi. Mukofotga sönggi tört yil mobaynida yaratilgan, körgazmaga qöyilgan yoki boşqa tarzda e'lon qilingan monumental tasviriy san'at, me'morlik-badiiy ta'mirlaş va haykaltaroşlik asarlari körib çiqiş uçun qabul qilinadi. Mukofotga taqdim etiş töğrisidagi qarorlar vazirliklar, davlat qömitalari, ijodiy uyuşmalar, respublika va xalqaro jamoat taşkilotlari rahbar organlari tomonidan qabul qilinadi. ÖzRning boşqa Davlat mukofotiga ilgari sazovor bölgan asarlar bu mukofotga tavsiya etilmaydi. Bir mukofotga talabgorlar soni 3 kişidan oşmasligi lozim. Mukofotni ÖzR Prezidentining farmoni b-n har uç yilda bir marta Mustaqillik bayrami arafasida beriş tartibi joriy qilingan. Mukofotning har biri 80 ta eng kam oylik iş haqi miqdorida belgilangan. Mukofotga sazovor bölgan ijodkorlarga tantanali vaziyatda sovrindorlik yorliği va faxriy nişon topşiriladi. Mukofot sovrindorining nişoni kökrakning öng tomoniga taqiladi. Mukofot takroran berilmaydi. 1997 y.da Toir Boltaboyev, Xurşid Nazirov va Ğayrat Kamolov, Anvar Ilhomov va Baxtiyor Rahmonberdiyev, Raimberdi Matçonov mukofotga sazovor bölgan.
Asl matn (kirill, PDF'dagidek)
КАМОЛИДДИН БЕҲЗОД НОМИДАГИ ЎЗБЕКИСТОН РЕСПУБЛИКАСИ ДАВЛАТ МУКОФОТИ - адабиёт, санъат ва меъморлик соҳасидаги давлат мукофотларидан бири. 1997 й. 23 янв. да таъсис этилган. Шарқ уйғониш даври етук санъаткори, буюк миниатюрачи мусаввир Камолиддин Беҳзод номи б-н юритилади. Мукофот тасвирий ва амалий санъат, халқ ҳунармандчилиги соҳасида яратилган, миллий истиқлол ғояларини ёрқин бадиий шаклларда акс эттирган, Ўзбекистоннинг буюк тарихини ва ҳоз. юксалиш жараёнларини ҳаққоний образлар орқали гавдалантирган ва кенг жамоатчилик томонидан тан олинган етук санъат асарлари учун берилади. Мукофотга сўнгги тўрт йил мобайнида яратилган, кўргазмага қўйилган ёки бошқа тарзда эълон қилинган монументал тасвирий санъат, меъморлик-бадиий таъмирлаш ва ҳайкалтарошлик асарлари кўриб чиқиш учун қабул қилинади. Мукофотга тақдим этиш тўғрисидаги қарорлар вазирликлар, давлат қўмиталари, ижодий уюшмалар, республика ва халқаро жамоат ташкилотлари раҳбар органлари томонидан қабул қилинади. ЎзРнинг бошқа Давлат мукофотига илгари сазовор бўлган асарлар бу мукофотга тавсия этилмайди. Бир мукофотга талабгорлар сони 3 кишидан ошмаслиги лозим. Мукофотни ЎзР Президентининг фармони б-н ҳар уч йилда бир марта Мустақиллик байрами арафасида бериш тартиби жорий қилинган. Мукофотнинг ҳар бири 80 та энг кам ойлик иш ҳақи миқдорида белгиланган. Мукофотга сазовор бўлган ижодкорларга тантанали вазиятда совриндорлик ёрлиғи ва фахрий нишон топширилади. Мукофот совриндорининг нишони кўкракнинг ўнг томонига тақилади. Мукофот такроран берилмайди. 1997 й.да Тоир Болтабоев, Хуршид Назиров ва Ғайрат Камолов, Анвар Илҳомов ва Бахтиёр Раҳмонбердиев, Раимберди Матчонов мукофотга сазовор бўлган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.