Kampala
Manba: ÖzME, 4-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 91-b. — ziyouz.com
Kampala — Uganda poytaxti. Markaziy provinsiyaning ma'muriy markazi. Viktoriya kölining şim. sohillari yaqinida 1300 m gaça bölgan balandlikda joylaşgan. Aholisi 902,9 ming kişi (2000). Iklimi ekvatorial mussonli iklim, yanv.ning ör-taça t-rasi 22°, iyulniki 20°. Yiliga örtaça 1500 mm yoğin tuşadi. K. — mamlakatning muhim siyosiy, madaniy, moliya, savdo-sanoat markazi. Avtomobil yöllari tuguni. T. y. orqali Hind okeani sohilidagi Mombasa (Keniya) porti b-n boğlangan. Şahardan 35 km jan.da xalqaro aeroport joylaşgan. Oziq-ovqat, kimyo, farmatsevtika, kön poyabzal sanoati rivojlangan. Metallsozlik, yoğoçsozlik, töqimaçilik sanoati korxonalari, avtomobil remonti ustaxonalari bor. Şaharga 1890 y. da inglizlar tomonidan qal'a sifatida asos solingan. K. Bugandaning savdo markazi sifatida rivojlandi. 1962 y.dan mustaqil Uganda poytaxti. Şahar tepaliklarda joylaşganligi sababli yagona reja asosida qurilmagan. K.da Makerere unti (1922; 1970 y.dan Uganda milliy un-ti), nafis san'at maktabi, tibbiyot bilim yurti, ped. va texnika kollejlari, Uganda ilmiy jamiyati, Uganda muzeyi, badiiy galereya bor.
Asl matn (kirill, PDF'dagidek)
КАМПАЛА — Уганда пойтахти. Марказий провинциянинг маъмурий маркази. Виктория кўлининг шим. соҳиллари яқинида 1300 м гача бўлган баландликда жойлашган. Аҳолиси 902,9 минг киши (2000). Иклими экваториал муссонли иклим, янв.нинг ўр-тача т-раси 22°, июлники 20°. Йилига ўртача 1500 мм ёғин тушади. К. — мамлакатнинг муҳим сиёсий, маданий, молия, савдо-саноат маркази. Автомобиль йўллари тугуни. Т. й. орқали Ҳинд океани соҳилидаги Момбаса (Кения) порти б-н боғланган. Шаҳардан 35 км жан.да халқаро аэропорт жойлашган. Озиқ-овқат, кимё, фармацевтика, кўн пойабзал саноати ривожланган. Металлсозлик, ёғочсозлик, тўқимачилик саноати корхоналари, автомобиль ремонти устахоналари бор. Шаҳарга 1890 й. да инглизлар томонидан қалъа сифатида асос солинган. К. Буганданинг савдо маркази сифатида ривожланди. 1962 й.дан мустақил Уганда пойтахти. Шаҳар тепаликларда жойлашганлиги сабабли ягона режа асосида қурилмаган. К.да Макерере унти (1922; 1970 й.дан Уганда миллий ун-ти), нафис санъат мактаби, тиббиёт билим юрти, пед. ва техника коллежлари, Уганда илмий жамияти, Уганда музейи, бадиий галерея бор.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.