Kapurlar oilasi
Manba: ÖzME, 4-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 139–140-b. — ziyouz.com
Kapurlar oilasi — jahonga tanilgan hind kino arboblari oilasi. Pritxviraj Kapur (1904.3.11 — 1972.29.5) — hind aktyori, teatr rej.i. Lahordagi xuquqiy kollejni tugatgan. Oldin ovozsiz filmlarda, 1931 y. esa birinçi hind ovozli filmi («Olamning gözalligi»)da suratga tuşgan. Juda köp tarixiy filmlarda öynagan. 1944 y. birinçi hind professional teatri («Pritxvitietrs»)ni taşkil etdi. «Daydi», «Ötmiş, hozirgi kun, kelajak», «Uç dengiz oşa sayohat» kabi filmlarda suratga tuşgan. Butun Hindiston Tinçlik kengaşining vitse prezidenti bölgan.
Raj Kapur, haqiqiy ismi Ranbir Raj (1924.14.12, Peşovar — 1988.2.6, Bombay) — hind aktyori, rej., ssenariyçi, prodyuser. Pritxviraj Kapurning öğli. Hind kinosida öziga xos maktab yaratgan san'atkor. Kinodagi faoliyatini «Randjit» kinostudiyasida assistentlikdan boşlagan. Dastlab «Gauri» va «Bizning iş» filmlarida kiçik rollar ijro etdi. 1946 y.da «Valminki», «Moviy nilufar», «Çittoridagi ğalaba» filmlarida suratga tuşdi. 1947 y. da Bombayda «Raj Kapur filme» kinostudiyasini taşkil etdi. «Daydi», «Janov 420», «Tun qa'rida», «Sangam», «Mening ismim — masxaraboz» va b. filmlarda rej. va boş rol ijroçisi sifatida jahonga tanildi. «Bobbi», «Haqiqat, muqaddaslik, gözallik», «Muhabbat noxuşligi», «Abdulla», «Gang daryosi oqadigan yurt» va b. u yaratgan eng yaxşi filmlardandir. Uning filmlari juda köp xalqaro kinofestivallar (mas, Kann, Karlovo — Vari va b.)da sovrin va mukofotlar olgan. Köp filmlari Özbekistonda namoyiş etilgan. U Toşkent xalqaro kinofestivalining doimiy qatnaşçisi bölgan.
Şammi Kapur (1930.21.3, Peşovar) — aktyor. Pritxviraj Kapurning öğli. «Tumsa Naxin Dekxa», «Dil Deka Dekxo», «Örmonzor» singari 150 dan ortiq filmda öynagan.
Şoşiy Kapur (1938.18.3) -aktyor. Pritxviraj Kapurning öğli. Yoşligida «Pritxvi — tietrs» sahnasida rollar öynagan. «Daydi», «Tösiq» kabi filmlarda kiçik rollar ijro etgan. 80-y. larga kelib eng ommabop hind aktyoriga aylandi. «Suratkaş», «Jazirama va çang» kabi 100 dan or-tiq filmda suratga tuşgan.
Randxir Kapur (1947) — aktyor. Raj Kapurning öğli. Dastlab «Ötmiş, hozirgi kun va kelajak» filmida aktyor hamda rej. sifatida qatnaşgan. Keyinçalik «Qöşma sayohat», «Çaqqon qöl», «Qasam va va'da», «Kasos qonuni» singari bir qança filmlarda boş rollarni öynagan.
Rişi Kapur (1951.4.6) — aktyor. Raj Kapurning öğli. Bolaligida otasining «Mening ismim — masxaraboz» filmida suratga tuşgan. Aktyor «Bobbi», «Qasoskor», «Sevgi — bu hayot», «Layli va Majnun», «Aktyor böl» kabi filmlardagi boş rollari b-n jahonga tanildi.
Oilaning eng kiçik davomçisi Karişma Kapur bölib, hozir Hindistonning eng yorqin kinoyulduzlaridan. Aktyorlar Randxir K. va Babitalarning qizi. «Jit», «Rakşak», «Raja Xindustani», «1-sonli qahramon» kabi 70 ga yaqin filmda muhabbat sanamlarini öynadi.
Saodat Xöjayeva.
Asl matn (kirill, PDF'dagidek)
КАПУРЛАР ОИЛАСИ — жаҳонга танилган ҳинд кино арбоблари оиласи. Притхвираж Капур (1904.3.11 — 1972.29.5) — ҳинд актёри, театр реж.и. Лаҳордаги хуқуқий коллежни тугатган. Олдин овозсиз фильмларда, 1931 й. эса биринчи ҳинд овозли фильми («Оламнинг гўзаллиги»)да суратга тушган. Жуда кўп тарихий фильмларда ўйнаган. 1944 й. биринчи ҳинд профессионал театри («Притхвитиэтрс»)ни ташкил этди. «Дайди», «Ўтмиш, ҳозирги кун, келажак», «Уч денгиз оша саёҳат» каби фильмларда суратга тушган. Бутун Ҳиндистон Тинчлик кенгашининг вице президенти бўлган.
Раж Капур, ҳақиқий исми Ранбир Раж (1924.14.12, Пешовар — 1988.2.6, Бомбай) — ҳинд актёри, реж., сценарийчи, продюсер. Притхвираж Капурнинг ўғли. Ҳинд киносида ўзига хос мактаб яратган санъаткор. Кинодаги фаолиятини «Ранджит» киностудиясида ассистентликдан бошлаган. Дастлаб «Гаури» ва «Бизнинг иш» фильмларида кичик роллар ижро этди. 1946 й.да «Вальминки», «Мовий нилуфар», «Читторидаги ғалаба» фильмларида суратга тушди. 1947 й. да Бомбайда «Раж Капур фильме» киностудиясини ташкил этди. «Дайди», «Жанов 420», «Тун қаърида», «Сангам», «Менинг исмим — масхарабоз» ва б. фильмларда реж. ва бош роль ижрочиси сифатида жаҳонга танилди. «Бобби», «Ҳақиқат, муқаддаслик, гўзаллик», «Муҳаббат нохушлиги», «Абдулла», «Ганг дарёси оқадиган юрт» ва б. у яратган энг яхши фильмлардандир. Унинг фильмлари жуда кўп халқаро кинофестиваллар (мас, Канн, Карлово — Вари ва б.)да соврин ва мукофотлар олган. Кўп фильмлари Ўзбекистонда намойиш этилган. У Тошкент халқаро кинофестивалининг доимий қатнашчиси бўлган.
Шамми Капур (1930.21.3, Пешовар) — актёр. Притхвираж Капурнинг ўғли. «Тумса Нахин Декха», «Дил Дека Декхо», «Ўрмонзор» сингари 150 дан ортиқ фильмда ўйнаган.
Шоший Капур (1938.18.3) -актёр. Притхвираж Капурнинг ўғли. Ёшлигида «Притхви — тиэтрс» саҳнасида роллар ўйнаган. «Дайди», «Тўсиқ» каби фильмларда кичик роллар ижро этган. 80-й. ларга келиб энг оммабоп ҳинд актёрига айланди. «Сураткаш», «Жазирама ва чанг» каби 100 дан ор-тиқ фильмда суратга тушган.
Рандхир Капур (1947) — актёр. Раж Капурнинг ўғли. Дастлаб «Ўтмиш, ҳозирги кун ва келажак» фильмида актёр ҳамда реж. сифатида қатнашган. Кейинчалик «Қўшма саёҳат», «Чаққон қўл», «Қасам ва ваъда», «Касос қонуни» сингари бир қанча фильмларда бош ролларни ўйнаган.
Риши Капур (1951.4.6) — актёр. Раж Капурнинг ўғли. Болалигида отасининг «Менинг исмим — масхарабоз» фильмида суратга тушган. Актёр «Бобби», «Қасоскор», «Севги — бу ҳаёт», «Лайли ва Мажнун», «Актёр бўл» каби фильмлардаги бош роллари б-н жаҳонга танилди.
Оиланинг энг кичик давомчиси Каришма Капур бўлиб, ҳозир Ҳиндистоннинг энг ёрқин киноюлдузларидан. Актёрлар Рандхир К. ва Бабиталарнинг қизи. «Жит», «Ракшак», «Ража Хиндустани», «1-сонли қаҳрамон» каби 70 га яқин фильмда муҳаббат санамларини ўйнади.
Саодат Хўжаева.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.