Karim Xonkeldiyev
Manba: ÖzME, 9-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 187-b. — ziyouz.com
Xonkeldiyev Karim (1912.9.5, Andijon — 1977.18.8, Guliston, Toşkentda dafn etilgan) — Özbekiston xalq artisti (1964). 1934—58 y.lar Andijon teatrida, 1958—77 y.lar Toşkent yoş tomoşabinlar teatrida aktyor. Frans Moor (F. Şiller, «Qaroqçilar»), Mavlon (A. Qahhor, «Şohi sözana»), Ilhom (B. Rahmonov, «Yurak sirlari»), Zavqiy (S. Abdulla, «Muqimiy»), Xolmat (Hamza, «Boy ila xizmatçi»), Jevakin (N. Gogol, «Uylaniş») kabi obrazlarni Andijon teatri sahnasida yaratdi. Qahramonlar xususiyatini, ijtimoiy muhit bilan munosabatlarini hayotiy va real tasvirlay oluvçi öziga xos aktyorlardan. «Muso Jalil» (N. Isambet) da Borman, «Şum bola»da Hojibobo kabi turli xarakterdagi rollar ijro etib, aktyorlik mahoratining yangi qirralarini namoyiş etdi. 1959 y.dan Toşkent televideniyesida «Yulduzça», 1962—77 y.lar «Otalar sözi aqlning közi» körsatuvlarini olib borgan.
Asl matn (kirill, PDF'dagidek)
ХОНКЕЛДИЕВ Карим (1912.9.5, Андижон — 1977.18.8, Гулистон, Тошкентда дафн этилган) — Ўзбекистон халқ артисти (1964). 1934—58 й.лар Андижон театрида, 1958—77 й.лар Тошкент ёш томошабинлар театрида актёр. Франц Моор (Ф. Шиллер, «Қароқчилар»), Мавлон (А. Қаҳҳор, «Шоҳи сўзана»), Илҳом (Б. Раҳмонов, «Юрак сирлари»), Завқий (С. Абдулла, «Муқимий»), Холмат (Ҳамза, «Бой ила хизматчи»), Жевакин (Н. Гоголь, «Уйланиш») каби образларни Андижон театри саҳнасида яратди. Қаҳрамонлар хусусиятини, ижтимоий муҳит билан муносабатларини ҳаётий ва реал тасвирлай олувчи ўзига хос актёрлардан. «Мусо Жалил» (Н. Исамбет) да Борман, «Шум бола»да Ҳожибобо каби турли характердаги роллар ижро этиб, актёрлик маҳоратининг янги қирраларини намойиш этди. 1959 й.дан Тошкент телевидениесида «Юлдузча», 1962—77 й.лар «Оталар сўзи ақлнинг кўзи» кўрсатувларини олиб борган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.