Karl Gustav Yung
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 23–24-b. — ziyouz.com
Yung Karl Gustav (1875.26.7, Bazel — 1961.6.6, Syurix) — şveysariyalik psixolog va faylasuf, psixoanalitik maktab asosçisi. Kollektiv ğayrişuuriylik haqidagi ta'limotni rivojlantirib, ğayrişuuriylik timsollarini umuminsoniy ramziyatning, şu jumladan, afsonalar va tuş körişning manbai deb bilgan. «Metamorfozalar va libido ramzlari» (1912), «Ruhiy tiplar» (1921) asarlarida inson ruhi tabiatini oçib beradigan ğoya va fikrlarni ilgari surdi. Ong va ongsizlikka oid masalalarni talqin qildi. Yu. fikriça, psixoterapiyaning maqsadi har bir şaxsga öziga xos xususiyatga ega bölgan individ sifatida yondaşişdan iborat. Qiyosiy dinşunoslik, mifologiya, xalq oğzaki ijodi (K.Kereni, M.Eliade va boşqalar)ga, şuningdek estetika va adabiy-badiiy tanqid (G.Rid, Buyuk Britaniya va boşqalar)ga ta'sir körsatgan. 1948 yil Syurixda Yu. instituti, 1958 yil Xalqaro tahliliy psixologiya jamiyati taşkil qilingan.
Asl matn (kirill, PDF'dagidek)
ЮНГ Карл Густав (1875.26.7, Базель — 1961.6.6, Цюрих) — швейцариялик психолог ва файласуф, психоаналитик мактаб асосчиси. Коллектив ғайришуурийлик ҳақидаги таълимотни ривожлантириб, ғайришуурийлик тимсолларини умуминсоний рамзиятнинг, шу жумладан, афсоналар ва туш кўришнинг манбаи деб билган. «Метаморфозалар ва либидо рамзлари» (1912), «Руҳий типлар» (1921) асарларида инсон руҳи табиатини очиб берадиган ғоя ва фикрларни илгари сурди. Онг ва онгсизликка оид масалаларни талқин қилди. Ю. фикрича, психотерапиянинг мақсади ҳар бир шахсга ўзига хос хусусиятга эга бўлган индивид сифатида ёндашишдан иборат. Қиёсий диншунослик, мифология, халқ оғзаки ижоди (К.Кереньи, М.Элиаде ва бошқалар)га, шунингдек эстетика ва адабий-бадиий танқид (Г.Рид, Буюк Британия ва бошқалар)га таъсир кўрсатган. 1948 йил Цюрихда Ю. институти, 1958 йил Халқаро таҳлилий психология жамияти ташкил қилинган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.