Karlo Goldoni
Manba: ÖzME, 3-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 385-b. — ziyouz.com
Goldoni Karlo GOLDONI (Goldoni) Karlo (1707.25.2, Venetsiya - 1793.6.2, Parij) — italyan dramaturgi, italyan teatri islohotçisi, milliy komediya asosçisi. Dastlabki asarlari («Momolo kortezan», 1738; «Momolo Brenteda», 1739; «Siniş», 1741) dayoq niqoblar komediyasi (syujetning qisqa sxemasidan iborat ssenariy asosida tayyorgarliksiz tomoşa yaratiş)ni isloh qilgan. Mazkur asarlar muqim matnga, aniq insoniy xarakterlarga, ma'rifatparvarlik ğoyalari singdirilgan, jamiyatning illatlarini tanqid qiluvçi mazmunga ega edi. Ayni paytda G. niqoblar komediyasining afzal tomonlarini — xuşçaqçaqlik, syujet rivojidagi izçillikni saklab qolgan. G. 155 komediya, 18 tragediya, 94 libretto yozgan. Teatr tarixiga oid «Memuarlar» (1784—87) muallifi. «Mehmonxona bekasi», «Ikki boyga bir malay» va b. komediyalari özbek tiliga tarjima qilinib, Muqimiy teatrida sahnalaştirilgan.
Asl matn (kirill, PDF'dagidek)
ГОЛЬДОНИ (Goldoni) Карло (1707.25.2, Венеция - 1793.6.2, Париж) — итальян драматурги, итальян театри ислоҳотчиси, миллий комедия асосчиси. Дастлабки асарлари («Момоло кортезан», 1738; «Момоло Брентеда», 1739; «Синиш», 1741) даёқ ниқоблар комедияси (сюжетнинг қисқа схемасидан иборат сценарий асосида тайёргарликсиз томоша яратиш)ни ислоҳ қилган. Мазкур асарлар муқим матнга, аниқ инсоний характерларга, маърифатпарварлик ғоялари сингдирилган, жамиятнинг иллатларини танқид қилувчи мазмунга эга эди. Айни пайтда Г. ниқоблар комедиясининг афзал томонларини — хушчақчақлик, сюжет ривожидаги изчилликни саклаб қолган. Г. 155 комедия, 18 трагедия, 94 либретто ёзган. Театр тарихига оид «Мемуарлар» (1784—87) муаллифи. «Меҳмонхона бекаси», «Икки бойга бир малай» ва б. комедиялари ўзбек тилига таржима қилиниб, Муқимий театрида саҳналаштирилган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.