Karniz
Manba: ÖzME, 4-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 185-b. — ziyouz.com
Karniz (nem. karnies) — 1) me'morlikda bino devori ustiga muhofaza uçun maxsus (ğişt, yoğoç, toş ba'zan paxsadan) işlangan yoki örnatilgan börtiq qism, böğot. Tomni kötarib turişga va taşqi devorni yoğingarçilik ta'siridan himoya qilişga xizmat qiladi. Binolarda ba'zan qavatlarni bir-biridan ajratib turadi. Me'morlik orderlarida antablementning börtib turadigan yuqori qismi. Örta Osiyo me'morligida K.lar binoning tuzilişi, balandligi me'moriy qiyofasiga qarab, ularga mos va uyğunlaşgan holda işlanadi (476-6. dagi rasmga q.); 2) stol, şkafning çetini, uylarning içki qismini bezaşda devor tekisligidan çiqarib işlangan turli öymakorlik, kesmakorlik işlari, uylarning şiplari çetidan taraşlab işlangan taxta, bezakli hoşiya; 3) deraza yoki eşik tepasida parda osiş uçun yoğoç, metalldan qilingan dor.
Asl matn (kirill, PDF'dagidek)
КАРНИЗ (нем. karnies) — 1) меъморликда бино девори устига муҳофаза учун махсус (ғишт, ёғоч, тош баъзан пахсадан) ишланган ёки ўрнатилган бўртиқ қисм, бўғот. Томни кўтариб туришга ва ташқи деворни ёғингарчилик таъсиридан ҳимоя қилишга хизмат қилади. Биноларда баъзан қаватларни бир-биридан ажратиб туради. Меъморлик ордерларида антаблементнинг бўртиб турадиган юқори қисми. Ўрта Осиё меъморлигида К.лар бинонинг тузилиши, баландлиги меъморий қиёфасига қараб, уларга мос ва уйғунлашган ҳолда ишланади (476-6. даги расмга қ.); 2) стол, шкафнинг четини, уйларнинг ички қисмини безашда девор текислигидан чиқариб ишланган турли ўймакорлик, кесмакорлик ишлари, уйларнинг шиплари четидан тарашлаб ишланган тахта, безакли ҳошия; 3) дераза ёки эшик тепасида парда осиш учун ёғоч, металлдан қилинган дор.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.